自殺以後，進入了RPG的世界: 原凶

久違既番到黎香港。
整理依家用到既特殊技能先。
根據外神所講，特殊技能去到咩世界都可以用到，然後呢個世界我地稱之為超能力。
我依家用到既特殊技能有四個。
時間魔法。
空間魔法。
情報掌握。
技能使用。

我用左空間魔法番黎，再用時間魔法番黎半年前既時候。




情報掌握，好似無乜用。
技能使用？
簡單黎講就係可以用RPG世界既技能。

依家既我係黑暗精靈，但係用技能使用，令到我可以用幻像魔法。
令到其他人睇落係我以前個樣。

然後，就要開始諗對策。
諗下下一步應該要點做。





久違既番到落屋企留下。
咁岩有D餓，走落樓下柒仔買左盒意粉番去食。
當然，我係無錢，不過用幻像魔法整到D樹葉似錢姐。
犯法？
吹咩。

有D感慨。
以前RPG既世界打生打死，去用條命去換食物番黎，食完之後仲要肚痛成個禮拜。
但係依家，只要落街買就得，輕輕鬆鬆又一餐。





其實生活係香港都幾幸福……就有鬼。
永遠都唔會忘記呢個咁黑人憎既地方。

直接用空間魔法送自己入屋。
開鎖既功夫都慳番。
整番熱意粉黎醫肚先，再慢慢諗對策。

睇個樣，天照佢地都唔會比我番去佢地個世界到。
一去應該就比人追殺。
一日最衰都係黑騎士，搞到我依家水洗都唔清。

但係，我真係唔想再留係呢個香港到。
去外國？有空間魔法，輕鬆啦。
鬼咩，識鬼英文。
唉屌。




都係RPG世界好。
但係，番唔到去。

咁就強行突破啦。
一直以黎，不嬲我都係用武力強行令到對方屈服。
勁過我又好，廢過我又好，我都係用猛毒去搞惦佢地。
今次都唔例外。
天照、奧丁，你做初一，我做十五。
係你地迫我架！
係你地迫我架！！！

咦咦咦？
咩事！
有人開緊門！





呀。
咦？
哦？
唔。
屌。

衝入房，然後鎖門先。

原來係咁。
都幾好笑。
真係估唔到原來係咁。
……
唔撚係掛……
居然係咁？
會唔會係咁呀！




會5會系甘牙！
一D都唔好笑囉！

我犯左個大錯。
其實都唔係錯。
算啦。
好混亂。

原來呀，奧丁估得無錯，敵人就係我自己。
所謂既外神事件，一切都係我搞出黎。
我依家先諗到。
因為奧丁追殺我，然後我就逃走左去香港，我為左番香港，制作左外神出黎攻擊RPG世界。
笑撚死人咩。
話說我地轉生去RPG世界係因為外神既攻擊，但係外神又係我整出黎。
咁一切既因係邊呢？




媽呀，好亂。

你問我點解會知外神係由我整出黎？
好簡單姐。
因為岩岩開門既人，正正就係我自己。
(見CH54)

「咪郁！」我隔住房門大叫。
「你⋯⋯你⋯⋯你⋯⋯你係邊個？」以前既我驚驚青青咁問。
「我⋯⋯我係，無錯！我係飛天意粉神！」話說之後外神之首(我)叫咩名呢，唔記得左。

「唔⋯⋯唔明？好簡單姐。我換個講法你就明架啦。你仲記唔記得咩係外神？」我吸左啖氣講。
跟住佢應該諗緊外星人。
我:「外，星，人？對你黎講，應該唔係外星人。」
我:「好簡單架姐，你諗下就會明。而我，就係外神之首。我就係統領哂所有外神既人。」
我:「之前果個阿布唔知乜春係咪問過你既？你，撐邊邊？我地，定係天照果邊？當然啦，你幫我地既話，你將會得到你想要既一切。係囉，大約係咁囉⋯⋯總之有好多好處⋯⋯你明架啦⋯⋯」
我:「然後，我再問多你一次，你會選擇邊邊？我會根據你既答案決定會唔會殺左你。（笑）」

反正呢個時候呢個我都唔會黎幫我<-----媽呀呢句好亂。
反正都只係9UP，扮下野招下降囉。

佢:「我拒絕。」
我:「講得好，咁先係你架嘛！」

緊係啦，未死到臨，我點會識驚呀。
不過，下巴巴輕輕，我真係有能力整到外神出黎同天照佢地對抗咩？
唔理LU，船到橋頭自然直，話知佢啦。

「靈魂轉移」
門外有另一個人開技能？
即刻打開門。

係黑騎士。

「你真係使人唔使本。」黑騎士同我講。
「吓？」我呆左。
「我送番以前既你去另一個世界啦……呀，係喎，時間唔岩，認錯左另一個時間既你。」黑騎士講。
「又點呀！我唔明呀！」我大叫。
「你知就最好，成日都整到咁混亂，好心你時間魔法就唔好亂咁用啦，我都就黎分唔到唔同時間線既你。」
「……」
「好啦好啦，係你都得架姐，用空間魔法傳送我去另一個世界。」
「你究竟係邊個？」
「遲下你就明，總之我係幫你既人。」

我嘆左啖氣。
空間魔法，將黑騎士傳送去RPG世界。

真係好混亂。
姐係話整到咁混亂係因為未來既我係咁用時間魔法？