自殺以後，進入了RPG的世界: 特殊技能

空間魔法。
只有一個地方係神追蹤唔到。
但係，點都好，估唔到我真係有一日會黎到呢到。
就搞到我好似真係外神D FRIEND咁。

四圍都係黑媽媽，身體係到凌空飄浮，好似身處係一個無盡頭既宇宙咁。
呢片空間既中心係一堆卵狀物體。
外神。

【萬物歸一者】 猶格‧索托斯





HP:

MP:

力量:  敏捷:
防禦:  魔力:

估唔到我會黎呢個外神既空間。
但係，為左逃走，除左呢個地方之外，去邊都係死路一條。





「歡迎番黎，魔王。」外神出聲講野，打破左空間既沉默。
唔好理佢。
我又唔係為左見佢先黎呢到，我係為左逃難。
所以，我唔算係壞人！

「黑騎士，你究竟係咩人？」我問身邊一齊傳送過黎既黑騎士。
黑騎士望住我。
明明白雪已經比我殺死左，咁呢個黑騎士究竟係邊個？
好明顯，呢個黑騎士比我、風龍王更加強。




比起四大龍王更加勁既生物，除左神之外真係存在？
然後，黑騎士除左佢個頭盔。

銀色頭髮既一個女仔。
毫無疑問，呢個人係白雪。
係白雪。
無可能，白雪已經比我殺左！
點解會出現係呢到救我？

「本來其實我都幾憎你架，不過以前既野就算啦。」白雪笑住同我講。

「你係邊個？」我問。

「我係邊個？你知架。」佢笑笑口同我講。





算啦，佢都唔會答我架啦。
白雪既事遲D先去處理。
依家先拆惦天照果筆先。
依家我一出去，應該就會比神追殺。
所以要我一直留係呢到，直到永遠阿們？
咁落去唔係辦法喎……

然後，我發覺自己殺左白雪之後，有15點技能點數。
好驚人。
一口氣得到左大量既技能點數。
升左時間魔法先。
如果用左時間魔法，番番去過去，調查邊個轉生者係壞人可唔可行？

「魔王，比個提示你，所謂既特殊技能並唔係技能黎。」外神突然間開口。
咩意思？




「呢一個世界，特殊技能被稱之為特殊技能，然後你原本既世界稱之為超能力。」
超能力？瞬間轉移果D？
「然後，特殊技能/超能力係所有既世界都通用，然後只要你脫離左世界A，咁世界A既神就唔可以干涉你既特殊技能。」]
好玄喎師父。

等等！
我大概明白外神講既野係咩意思。
但係真係要跟住外神既說話去做？
但係點都好過一出去就被龍王呀女神追殺。
外神對我好似其實都無乜惡意。
一直以黎都無主動郁我。
信佢？

試下先啦。





對自己使用空間魔法。
目標係，香港！

成功左？
眼前既係，一片石屎森林。
毫無疑問，係香港。
真係成功左？

但係番番黎呢個世界真係好咩？
明明自己係咁憎呢個世界。
不過，果邊既世界已經唔再歡迎我。
天照佢地係認真既，想要殺死我。
唉。

咦？




自己仲係黑暗精靈既樣？
仲以為會變番原本個樣添。

算啦，不過番係呢到都未必安全。
唔排除天照會追埋過黎。
所以。

時間魔法。
番去半年前。