自殺以後，進入了RPG的世界: 眾叛親離，你輸唔輸得起

個腦運算唔到。
呀呀呀！我個腦處理唔到咁複雜既野呀呀呀呀呀！
發生緊咩事呀！

愛麗斯係同學。
愛麗斯……愛麗斯……

「呀！愛麗斯！Alice！」排骨大叫。
「咦？你都係……？」愛麗斯都好驚訝咁講。





然後，我殺左Miss Chan……
唔係掛……
我殺左佢？
幾時既事？
一路以黎，我都殺人唔眨眼，我從來都無諗過會親手殺死Miss Chan。

白雪衝到埋黎，揮劍攻擊我，我無避開。

「你地究竟講緊咩……轉生者又係咩？」白雪問。





腦入面思索番以前Miss Chan個樣。
佢都算係一個好老師黎。
然後，我殺左佢？

「你地係……邊個？」愛麗斯問。
「我係……阿俊……」排骨說。
奇怪既重逢。
唔應該既重逢。

然後，愛麗斯望住我，希望從我把口得知我係邊個。





「你係邊個？」
「……」
「你究竟係邊個呀！」
「……」
「你殺左Miss Chan呀！你有無內疚呀？」
「我係……」

我吸左啖氣。

「蜘蛛女王，統領住魔界既魔王。」

全場都呆哂，大概比我既氣場壓倒。
「依家唔係同你玩既時候呀！你究竟係邊個呀？」





「等陣先，你地一直所講既Miss Chan係……？」白雪問。
「咪係白兔囉！」愛麗斯係到發癲鳩嗌。

「白兔？姐係之前果個男人？」排骨都呆左係到。

蜘蛛結界。
綁住白雪同愛麗斯。

「玩完未？」我問。

「等等……等陣先呀！佢係Alice呀！」排骨衝左上前保護住佢地。
「咁又點？」
「咩咁又點？唔通你又好似上前咁，殺死Miss Chan？你唔知Miss Chan係邊個，所以殺左佢都係情有可願，但係你知架，佢係Alice呀！你既同學呀！」
「咁又點？佢撚狗咁撚化你咋，你以為佢真係你女神？哦，女神，所以你就成隻護主犬咁衝過去保護佢？」
「依家唔係講呢D野既時候，佢始終都係你同學呀！」




「你知唔知John點解會失左蹤？」
「……」
「佢係比我殺左。」

「暗影長槍」排骨倒戈。
避開。

「呢場野係你搞出黎，我唔會幫你拆惦佢。」火龍妹講，當然啦，我從來無諗過火龍妹會幫我。

「我再問多你一次，你究竟係邊個？」排骨問。
「蜘蛛女王。」

排骨同愛麗斯發哂癲咁衝左上黎。
然後，同時比我打到瞓左起地上面。
呢D就係STATUS既差距。





「我唔知你同佢地之間發生左咩事，但係你殺左白兔，我係唔會就咁放過你。」
白雪一步一步咁行過黎。
「憑你？」我問。
「憑我係勇者。」

笑左。
自欺欺人既大話要講到幾時？
時間干預。
封左白雪既時間先，然後去到佢身後面。
死亡踐踏，將白雪一下踢出去。

轉一轉稱號先。

【勇者】 蜘蛛女王 LV85





「遺憾，當代既勇者就係魔王本人。」