自殺以後，進入了RPG的世界: #狀況未明

呢到係一個森林？
我同白兔無啦啦轉移左去一個森林？

組織一下發生緊咩事先。
首先，蝴蝶女王利用我搞到火龍王陷入瘋狂，想利用癲左既火龍王毀滅世界。
蝴蝶女王係外神既人。
然後，女神天照出現，擊退左蝴蝶女王。
之後，女神佢地要我同白兔去搵風龍王，阻止火龍王發癲。
點知，呢個時候，有個自稱係黑騎士既人擋係我地面前。
黑騎士輕鬆壓制住我地，唔比我地去搵風龍王。




最後，我地就比人傳送左黎呢到。

黑騎士係外神既人？阻止我地去搵風龍王？
去問白兔有咩頭緒。

白兔:「黑騎士係魔王既手下。無理由架，如果係魔王，無理由會去滅世。」
「會唔會就連魔王都係外神既手下？」
「感覺上唔似。現任魔王係一個叫德古拉既吸血鬼，佢好積極咁對聯盟展開侵略，完全唔似係外神既人。」
「但係果個係黑騎士喎，係魔王既手下喎！」
「我都唔係好清楚。」





黑騎士係外神既手下。
暫時得出黎既結論。

話說，呢到係邊到？
無論係方向，定係位置，我地都唔清楚，淨係知道呢到係一個森林。

講起上黎，隻蟲呢？
殺我全家既果隻蟲，應該仲係地下城入面。
依家唔係諗佢既時候，我依家都自身難保。





白兔:「升LV啦。」
「吓？」
「感覺上，呢個世界發生緊異變，升LV一定無壞。」
「但係風龍王既事呢？」
「你知道我地依家既位置咩？點樣去搵風龍王？」

白兔知道幾多野呢？
對於轉生者既野，佢完全無問過。
係因為佢本身知道轉生者既事，定係因為聽唔明而去無視呢？

講到轉生者，我有種感覺。
白雪總係比我一種似曾相識既感覺。
白雪係轉生者？
唔清楚。





首先，依家要做既係升LV。
森林入面都有唔少既怪物，比我去打。
所以，就係呢到升左LV先啦。

於是，就係咁，我係到呢到升緊LV。
一升就升左半年。

-------------------------------------------------------------------------------------

「魔王大人。」
路上所有既人都向我鞠躬。
久違既番到黎魔王城。
同以前唔同既係，所有人都向我鞠躬。
驚我心情唔開心就殺哂佢地。





坐上魔王既王座，然後趕哂所有人出去。
終於都做番魔王。
但係頭痛既事又黎啦。
魔王其實要做D咩？

侵略聯盟？定係保護世界？
好煩呀呀呀呀呀呀！！！

以我既力量，根本無可能保護到呢個世界。
呢個世界毀滅左佢算啦，反正都無哂神。
係喎，呢個世界D神呢？
奧丁失蹤，天照養傷，宙斯偷懶。
咦？
班神唔係到，咁呢個世界咪係我魔王話事？




正啊喂屌你！

突然間覺得坐係魔王位既我真係好型。
雖然話我都係勇者，但係比起聯盟，我更加鐘意魔界。
因為魔界感覺上似係壞人！

呀呀呀呀！
唔好再逃避現實啦！
外神D野點算呀！
好似因為班神唔見哂，所以班舊日支配者出哂黎作反，然後外神都開始出手啦。
點算呀，大佬！
要魔界同聯盟出軍討伐外神啦……
諗下都知無可能夠打啦！
呢個世界執柒左佢好過啦。





「有刺客！」
「守衛做緊咩呀！點會比刺客入左黎架！」
「守衛死哂呀！」
「快D入黎護駕，保護魔王大人呀！」

「我係到！」
排骨係魔王張凳下面爬左出黎。

呀呀呀呀！做乜匿埋係張凳下面呀呀呀呀呀呀！

「Sorry，本來我想坐下你個位，但係點知你突然間入左黎，所以我咪河支史料;;3;1……」
「蜘蛛結界」