自殺以後，進入了RPG的世界: 蹁憟?蠎

要打贏佢，其實好難。
三合一，可以合埋又可以分開打，根本就唔合邏輯。
但係，一路以黎，我見過既對手都有唔少勁得過佢，我又點會輸比呢隻死人野。

生命連動。
呢招技有幾個大缺點，一就係開緊技既時候唔郁得，二就係只可以對一個敵人用。
我每秒可以吸佢1%血，姐係200血左右。
唔知係BUG定點，吸血既時候佢分體既話，系統會計我同時對三個敵人用生命連動。
最神奇既地方係，呢隻生物係共用同一條HP。
簡單黎講，我每秒吸到佢600血。




加埋猛毒既效果，係每秒800血，而我每秒回600血。

咁就贏左。
比預期之中簡單好多。
渣GA
望住佢D血係咁減少果下真係好正。
仲有1600血。
仲有兩秒就收佢皮~
傻仔鬼叫你唔合番體~





仲有一秒~
暗影長槍貫穿左佢。
……
屌呀？
唔係我開技！
邊條仆街仔執雞呀？
頂你個肺，我打到死死下先打得贏，你一個唔該都無就執雞搶我經？
屌！佢82LV架！！！無左好多經驗呀呀呀！

【管理者】 人類-奧丁 戰士 LV99





HP:10000
MP:10000

力量:1000  敏捷:1000
防禦:1000  魔力:1000

【火焰之子】 人類-火蜥蝪 戰士 LV99

HP:12421
MP:9457

力量:1164  敏捷:1054
防禦:1064  魔力:971





屌！又出新角色！點樣記到咁多人呀？？？
仲有你呀！點解所有數值都係齊頭數架？？？

好煩。
簡單黎講，有兩個人走左出黎。
一個全身著住黑色盔甲，一寸皮膚都無露出黎，隻手拎住枝槍。
一個紅色長髮既女人，拎住把劍。
先唔理黑色盔甲既可疑男人，果個女人一睇就知係龍囉！！！
一睇就知同之前果個唔知咩螈有關係啦！！！

男人走左過黎，用槍指住我。
「等等，佢應該唔係。」女人阻止左男人。
「係。的確唔係。」然後男人收起左把槍。

「你邊位……」我開口問。




「管理員。原來係咁，你係轉生者？」男人突然之間問。
呀？咩事？做咩兩下就比人起左底？
發……發生咩事？
管理……員？
姐係……？

男人無理到我，然後就繼續行。
等等……等等先呀！咪再當我無到！

突然之間，班昆蟲大軍走左出黎，然後男人掃一掃隻手，全部昆蟲爆炸。
哇，你仲唔係開外掛……？
發生緊咩事……我衝到去男人面前，然後問佢。
「發……發生……緊咩事？」

<佢，就係你既敵人>





腦入面又出現左把聲音。
無視。

「……」男人停左低，諗左一陣，然後無理到我，繼續行。
喂，我比佢無視左？
搞錯呀！
「麻煩。蛛女？你係呢片山既魔物？居然出左隻咁既魔物，真係世界變。你係呢個地段既主人？我就解釋比你聽啦，聽完就即刻走，咪再阻住我地。呢個地段出現左異常情況，然後神就親自降臨解決出現既問題，就係咁姐。」
女人講。
神？
呢個男人，係神？係GM？

「我話左你咪再阻住我地！」
女人大聲嘯叫。
如果要同龍打，係非常之不智。




等等，我又唔係要同佢打。

「搵到啦。」男人突然之間開口講。
係一個洞穴。
男人一步一步行入去，女人緊隨其後。
我當然都唔執輸，跟住佢地尾。

路過既怪物全部都自爆死哂。
發生緊……咩事？

有幾個人係入面？
山洞行到入去，有一個特別房間。
我第一時間諗到既係邪教儀式。
有幾個人，應該係教徒，佢地係到大叫唔知咩，然後用刀切開一個人。
咩事……？

又自爆。
等等先，咁就殺左佢地？唔使套下口風先咩？
然後，地震，應該話係地板裂開。
我地三個人，同時跌左落去下面。

呢到係……一個大空洞？
好巨大，一望無際既洞穴，呢到係離地底幾多百米？
然後，出現係我眼前既係一條龍。

【火焰之子】 烈焰龍-火蜥蝪 LV77

HP:134855
MP:129674

力量:6775  敏捷:4847
防禦:4314  魔力:4781

解除左幻像魔法？
男人仲企係到，同龍一齊望住前面。

「舊日支配者？」男人喃喃自語。

「當然，唔係啦。」

「你係咩人？」

「我就係你地既惡夢。」

大空洞入面，中間係一個直徑約三百米既大湖。
湖入面既並唔水，而係某一種液體。
應該話係灰色既、半液態狀既生物。
甚至，液體上面有升起既觸手，有無數既嘴巴。

【不淨之源】 阿布霍斯 LV

HP:100111101
MP:1011010001

掋?椥腵???暎:101110  敏捷:10010
防禦:11010110000100  魔曟鑧闁櫾:11101011