自殺以後，進入了RPG的世界: 黑騎士 I

原來係咁。
坐山觀虎鬥大概就係咁既意思。
係座懸岸上面望住來勢兇兇既數萬軍隊，有一種無力感。
仲有十幾公里就走到入左城。
如果可以既話，真係想自己落去同佢地決一死戰，但係一定好快就會比人發現我就係魔王。
幻像魔法都係唔可行，數萬軍隊，幻像魔法實在負荷唔到。

來領住數萬軍隊既係排骨，成個軍隊都係由屍人、吸血鬼等組成。
排骨依家騎係馬上面，叫停成隊軍隊。
為既唔係D咩，而係一個姐。





【不死族領主】 骷髏-歐西里斯 法師 LV99

HP:7296
MP:11984

力量:726  敏捷:828
防禦:788  魔力:1644

【黑騎士】 ■■-■■ ■■ LV■■





HP:■■■■/■■■■
MP:■■■■/■■■■

力量:■■■  敏捷:■■■
防禦:■■■  魔力:■■■

[黑騎士盔甲:魔王專屬護衛道具。擁有【魔王】稱號者可以自由借予盔甲給任何人使用，使用者暫時獲得【黑騎士】稱號。]
[【黑騎士】稱號:可以遮蔽自己的STATUS，除魔王外任何人皆不能查閱其STATUS。]





擋係數萬大軍面前既，只係得一個人。
黑騎士。
當然啦，呢個黑騎士並唔係咩特別人物，只係一個差D成為左勇者既普通女仔姐。

有無勝算？當然係無。
面對數萬大軍，就數係副本既大型BOSS都未必有穩贏既勝算。
莫講話白雪本身既LV已經低過排骨，姐係話單挑都未必有機會贏，輸既成數仲好大。

黑騎士用劍指住排骨。
然後我大聲咁叫:
「歐西里斯，你係到做乜野。」
呀，好羞恥呀，咁樣係到扮係黑騎士講野大叫。

「係到做乜野？呢個話應該由我黎問先岩。雖然話就話係黑騎士姐，係魔王既心腹姐，但自魔王上任以黎開始，一直失蹤，直到依家先出現企係我面前，你究竟想點？」





「放肆！同我撤退！」

「開乜玩笑？魔王大人一早已經落左命令，要我地出軍討伐神聖羅龍帝國，事到如今叫我撤退係乜回事？唔通連你都背叛左魔王？」

等等？發生咩事？佢係到……扮野？佢唔知道魔王只係一隻蟲？魔王落命令攻打人類又係咩一回事？魔界究竟發生左咩事？

「背叛？好笑！我既存在就係代表住魔王既意志，黑騎士就係魔王既象徵！反問你，魔王大人落左命令係咩回事？」

「講多無謂，繼續進攻。」

我比左個訊號比黑騎士，要攻攻擊排骨。
黑騎士拔劍，衝去排骨到，然後排骨拎起枝法杖擋住佢。

「你唔相信魔王？」我問。





「……」

「如果你想前進既話，就打低我，打低我呢個代表住魔王既黑騎士啦。」

「好。但係如果你輸左既話，就同我離開呢到！」

「輸？無可能，真正既魔王大人係到祝福緊我，我係無可能輸。」

黑騎士雖然可以遮蔽自己既稱號，但係真係打既話其實都無乜用。
唔可以用技能，一用技能就會比佢發現係白雪。
姐係話，要靠住普攻黎同佢打？
唔得，咁樣係無可能贏。
而且對面係LV99既法師，根本無可能贏。

排骨咩都無講，只係拎起枝法杖，然後--





「暗影長槍」
哇！同我果招暗影長槍一樣！
黑騎士輕輕一閃，避過左長槍。
但係，排骨無咁易放過佢。

「黑影之手」
地上面出現左黑泥，黑泥形成左黑色巴手，捉住黑騎士既四肢。
「暗影長槍」
避唔到！
硬食！

哇！
HP:6140/7319





一擊打左1000幾HP。
中多5、6下黑騎士就會死。

黑騎士好唔容易先重整好態勢，點知排骨拆開技杖扯左把幼劍出黎。
「毒素斬擊」
正中，再附加[毒]狀態。

然後，排骨又後退幾步，掟左樽黑色液體過去。
咩黎架？
[蠍子毒液:一次性道具，賦予對手5秒毒狀態，若然本身已陷入毒狀態，使其毒傷害變為原本的兩倍]

哇……好茅……
居然中埋毒……
Mola Mola，玩完啦。
居然一點HP都扣唔到佢，而自己就已經比人撳住黎打。
原來指揮人打係難過自己親身落場打。
真係慘……
SORRY呀，小白雪，居然害死左你。

唔得，唔得！
要爭氣D呀，白雪，反擊呀！
黑騎士奮力一斬，排骨即刻後退。

既然係咁。
It’s time to 反擊。
黑騎士聽住我指示，然後用劍指住排骨。
短短幾擊已經打左2000幾血。
媽呀，點打呀？！
黑騎士HP:5314/7319

然後我又大聲講:

「乜原來你只係去到呢個程度咋？歐西里斯，我對你好失望。」