自殺以後，進入了RPG的世界: 第9層
[獲得新技能[魔法反制]]
[魔法反制:目標施展魔法型技能時，將其魔法效果取消，而消耗的MP不會回復，冷卻時間不會減少]
[獲得新技能[生命連動]]
[生命連動:使目標與你的HP值相連，雙方的HP可以互相流通，每秒最多傳送1%HP]
[獲得被動技能[毒性附加]]
[毒性附加:你所有技能均帶有微毒(10秒)狀態]
[微毒:每秒持續受到最大HP的0.25%傷害，每秒受到的傷害不多於250]
哇！
哇哇哇！
首先整理下先。
殺左隻怪物之後，我得到左[情報掌握]技能。
大佬，我本來都有啦，重複技能有無保償？
睇個樣都無，算。
然後，我升到80LV，一下升左17LV。
多左兩個技能同一個被動技能。
魔法反制，好似有D妙微，針對用魔法既對手用。
唔係唔好，問題係至今見到會用魔法既對手真係……接近零？
印象中得土元素用過魔法。
至於生命連動，簡單D講應該係吸血技能。
唔差既，當係多個毒攻擊囉。
毒性附加……微毒同猛毒既輸出差好遠喎大佬。
全部都係無乜用。
唉。
比起升LV，有一樣野更加值得留意。
打低左怪物之後，地下突然裂開，多左條樓梯。
應該係去第9層。
第8層已經咁勁，第9層會去到咩程度？
我諗起怪物成日講既猶格唔知咩。
下一層就係打佢？
我真係打得贏咩？
咪傻啦。
無可能贏。
其實，依家既我，絕對可以由第8層爬番上去第1層到，反正樓上無一隻怪物可以阻到我。
但係呢，好奇心呢樣野真係好衰。
可惡呀！好想落去睇下呀！
落啦。
係喎，我記得啦，第9層可以用空間魔法架。
有咩唔對路就即刻走人囉。
他一直在玩命.JPG
但係……算啦，落就落啦。
落之前，將稱號由【魔王】換番做【魔物殺手】先。
情報掌握！第9層咩料？
[尤克特拉希爾地下城-第9層:大地。]
多鳩謝呀屌你老母。
算，我自己落去睇。
……
係一個地下洞穴，無咩特別。
但係，最特別既係……
【地的元素使】 大地龍皇-諾姆 LV83
HP:228543
MP:159421
力量:9436 敏捷:6294
防禦:9789 魔力:8398
仲勁過一開始隻暴風龍！
四圍都係龍，係地龍呀，角龍呀之類果D。
而領導住佢地既就係呢隻龍王。
等等……諾姆？
我記得土元素既稱號，佢就係土元素既主人？
仆街！報仇？唔係掛！
「 你 終 於 黎 啦 。 」
佢……想點？
「 估 唔 到 你 居 然 可 以 打 低 火 龍 、 拉 普 拉 斯 之 妖 ， 仲 可 以 走 到 落 黎 呢 到 。 短 短 一 個 月 時 間 居 然 可 以 進 化 成 咁 。 我 果 然 無 睇 錯 人 。 黎 啦 ， 蛛 女 ， 黎 拯 救 呢 個 世 界 啦 。 如 果 係 你 既 話 ， 一 定 可 以 做 到 。 呀 ！ 無 錯 ！ 我 都 仲 未 同 你 講 番 發 生 緊 咩 事 先 。 雖 然 火 龍 ， 果 條 火 龍 叫 咩 名 呢 ， 好 似 係 叫 撒 咩 ， 算 啦 ， 你 知 我 講 緊 佢 就 就 啦 。雖 然 你 係 唔 應 該 殺 火 龍 ， 唔 ，應 該 咁 講 拉 普 拉 斯 之 妖 係 我 地 既 敵 人 。 佢 係 唔 應 該 存 在 係 呢 個 世 上 既 生 物 。 呀 ！ 係 喎 ！ 唔 記 得 自 我 介 紹 添 。 我 係 諾 姆 ， 如 你 所 見 ，係 掌 管 大 地 ，掌 管 所 有 大 地 系 技 能 既 存 在 ， 係 四 大 元 素 龍 王 之 一 。 我 可 以 任 意 操 縱 所 有 大 地 系 既 技 能 ， 可 以 自 由 使 用 ， 可 以 反 制 ， 可 以 強 化 ，可 以 令 其 他 人 免 疫 大 地 傷 害 。 你 可 以 當 我 係 大 地 既 守 護 神 。 」
救命。
溫O寶既說話方式。
講一大段野仲要慢慢諗講。
我開始諗番起以前番學早會既時候，講者講哂要講既野，但係仲有好多時間淨，光頭校長就會走出黎9UP拉布。
好惡頂，好想瞓……
講完未呀！
其中一隻地龍居然插嘴。
「等我來解釋啦。簡單黎講，佢係大地既守護神，而同我地敵對既係外星人。外星人黎呢到係為左侵略呢個世界。外星人有三個，奈亞拉托提普、莎布·尼古拉絲、猶格·索托斯。
「奈亞拉托普提就比諾姆大人封印左係第十層，為左封印外星人，呢個地下城就封印左大型魔法，唔比其他人黎救果個外星人，而代價就係諾姆大人同我地監禁左係第9層到。
「其他兩個外星人行蹤不明，有可能比其他元素龍王打低左，都有可能仲係出面作惡緊。而拉普拉斯之妖，就係猶格·索托斯製造出黎既手下。
「事緣就係咁，諾姆大人希望你可以代佢出馬，收捨其他外星人。」
……姐係話，我要去打外星人？
「我拒絕。」
「 點 解 ？ 」
「關我蛋治。」
「……」
「呢D野交比咩咩四大龍做咪得囉！你地隻隻都咁勁。」
「你有所不知啦。四元素龍王關係好差，而且我地呢到封印左大型魔法，所以溝通唔到。再講，風果個太後生，火果個係痴線佬，水果個根本唔理，係得我地先幫手打。」
「哦。我唔幫呀，吹咩？」
「……」
「水果個都WFC啦，咁我唔理都得姐。」
「請你幫忙，你一定可以打低佢地。」
「唔制！」
「……」
空間魔法，位置隨機。
再講落去真係驚佢地開我拖。
大佬呀，單係第8層果隻怪已經咁勁，咁真正既外星人咪係外掛級？
外星人……外掛？
一開始聽起黎覺得好怪，如果話外星人係本來唔屬於呢到既生物既話，用番打機既術語，外星人咪係外掛？
同外掛打，真係有得贏？
算啦，咪搞我。
反正我唔DO，都有其他人DO架姐。
睇下先，呢到係邊到呢？
[人類聯盟-神聖羅龍帝國-東部之城]
我係城市對出既一座山上面。
終於見到太陽，呼吸到新鮮空氣。
「你好啊！」
突然之間，有把女仔聲，嚇到我個心離一離。
係……之前救過我既果個人。
佢除低斗蓬，係一個白皮膚黑髮既細路女精靈。
【大賢者】 精靈-天照 神官 LV99
HP:8432
MP:13964
力量:768 敏捷:975
防禦:753 魔力:1521