自殺以後，進入了RPG的世界: 絕望
「你⋯⋯是誰？」
怪物再次重複千篇一律既說話。
土元素依舊拖住觸手。
我仍然同磨緊本體既血。
係疲勞戰，多得土元素既頑強，先可以同佢咁耐。
今次真係要多謝土元素。
但係，即使土元素既防禦有幾咁頑強都好，始終都唔係怪物既對手。
佢已經得番好少血。
究竟可以捱到幾耐呢？十分鐘？一分鐘？定係十秒？
唔知，我剩係知怪物條血磨完之前，土元素一定會死。
好遺憾，呢個事實。
我同土元素無一項技能可以挽回劣勢。
或者，幻像魔法可以救到佢，但係我既MP根本唔足以拖展幻像魔法。
土元素既死，係必然既事實。
個腦思考左一千總方法，但係無一種可以救到土元素。
無左土元素，我仲有無勝算？
怪物仲有一半血，60000左右。
失去土元素果一刻果次，將會決定出勝負。
遺憾既係，我無方法可以將土元素既死延遲。
將稱號變為【魔王】。
毫無意義既行動。
只不過咁做或者可以令自己心安理得D。
土元素既血已經見底。
即使強如土元素都好，係呢個世界都係好弱小。
唔好講土元素，呢個世界有好既生物都比眼前既怪物強。
我笑左。
呢一刻土元素血已經係個位數字。
係，個位數字。
暗影長槍。
既然點都救唔番⋯⋯
所以⋯⋯
我笑左。
「甚⋯⋯麼？」怪物有D驚訝。
我殺左土元素。
[等級上升至62]
【魔王】 蛛女 LV62
HP:16031/16031
MP:16441/16941
力量:1517 敏捷:2069
防禦:1472 魔力:2235
「你⋯⋯居然⋯⋯」
我都已經有前科啦！唔差在啦。
MP已經回復到全滿。
幻像魔法！立即對11條觸手用幻像魔法！
將本體當係我，11條觸手同時攻擊！
11粒火箭炮同時轟向怪物本體。
一口氣扣左4萬5血。
咩話？咁都未死？
絕望。
MP得番好少。
對面仲有萬5血。
觸手二十條係哂到，脫離哂幻像魔法。
「不錯的一擊⋯⋯只是沒有想到⋯⋯你為了打敗我而親手手刃你的同伴。」
勝算？仲有無勝算？
大家都係15000血，但係佢STATUS上勁過我，而且佢仲有觸手支援。
王牌已經用左。
今次，真係輸左。
輸左？
輸左。
用盡一切方法，明明離勝利只係差一步⋯⋯短短既15000血╴我都打唔贏？
奇蹟，會唔會發生？
會架！
之前果個人！之前果個人又會救多我一次！
佢帶我離開左蜈蚣既火焰，帶我避開餓死既命運，今次佢都會黎救我架！
無錯！佢會黎救我架！
但係，怪物既雷擊，再一次將絕望帶到黎我身上。
硬食雷擊，全身既麻痺，全身既痛楚都同我講緊，奇蹟並無發生。
果個人，今次無黎救我。
諗番起，得我一個人，我根本咩都做唔到。
以前一樣，依家都係一樣。
明明我好憎佢地，但係係佢地面前只可以裝作沉默，唔敢有半句怨言。
我反抗唔到，因為無人會黎幫我。
依家都一樣，無人幫我，我只不過係一件垃圾。
垃圾。
垃圾。
垃圾。
蜘蛛結界。
我已經唔知自己做緊咩。
或者，好耐之前，我曾經後悔過自己唔敢去反抗佢地。
雖然係無意義既掙扎，但係呢個係我發自靈魂既吶喊。
吶喊。
奇蹟，係會發生！
以往我都係咁諗。
但係，呢一刻，我要用雙手劍造奇蹟！
首先，佢唔係金屬！
雖然呢個係我既推斷，但係我要將我既生命，ALL IN入呢個推測到！
如果係金屬既話，佢自己既雷電攻擊咪對自己好危險？
雖然唔知正常既物理法則係呢個世界岩唔岩用，但係我選擇相信佢，相信我拎左U既物理！
然後！如果唔係金屬既話，未必對毒免疫！
就算係呢隻破壞世界觀既怪物都好，佢都遵守STATUS、技能既法則。
如果唔係金屬，咁姐係話佢無[金屬體質]被動技能，換言之佢唔係免疫毒攻擊！
照我推論，之前用毒無效，並唔係因為佢免疫毒，而係單純我既牙齒咬唔入佢既身體姐，應該係咁，唔係，係一定係咁！
幾把匕首插過黎，斬斷左我幾隻腳。
好痛、可惡！
上呀！我咬實牙關衝過去。
既然咬佢皮膚唔得，咁由入面咬佢啦！
上呀！
怪物本體係巨大骷嘍，所以我衝左入去怪物隻眼入面。
入面係空心。
蜘蛛毒牙。
一定要得呀。
咬唔入。
絕望既事實。
唔好就咁放棄呀！
暗影長槍！
黑暗之槍貫穿左佢既皮膚，然後我係佢裂口位用蜘蛛毒牙。
成功左？
[猛毒(10秒)]
成⋯⋯成功左？
由於佢HP上限好高，所以十秒之內，扣15000血唔係問題。
已經⋯⋯贏左？
但係，下一秒，二十條觸手變哂匕首同時伸入黎斬我。
短短幾擊，已經扣左我成大半血。
唔得！頂多幾秒就贏架啦！
蜘蛛結界！
全場束縛。
我趴左係地上。
成功左。
已經⋯⋯贏左。
終於打完。
「你⋯⋯究竟是誰？」
「如你所見，係魔王，係勇者，亦都只係隻蟲姐。」
「你⋯⋯我⋯⋯猶格大人⋯⋯猶格大人中⋯⋯救我⋯⋯救我⋯⋯」
「落地獄啦，怪物。放心，我遲D會將你既猶格大人送埋落地獄，等你地可以團聚。」
「猶⋯⋯格⋯⋯大⋯⋯人⋯⋯」
[擊殺拉普拉斯之妖，繼承特殊技能[情報掌握]]
[等級上升至80]
【魔王】 蛛女 LV80
HP:21425/21425
MP:21830/21830
力量:2046 敏捷:2611
防禦:2017 魔力:2754