自殺以後，進入了RPG的世界: 蛛女與野獸
進化左。
咦？
哇！
唔？
進左化做蛛女，我依家都唔知講咩好。
理想中既蛛女，應該係上半身係人，下半身係蜘蛛既生物。
真係唔知講咩好。
好神奇地，我個頭係人類既頭，腳係蜘蛛既腳。
居然……？
成功左？
居然真係變成人頭蜘蛛腳既生物？
醒下啦。
的確係人頭，係蜘蛛腳。
不過成個身都係得個頭同蜘蛛腳囉！
頂呀……
依家既我得番個人頭，無頸，咩都無，然後臉頰果到生左四對蜘蛛腳出黎。
咁樣欺負我，真係好好玩咩？
點解我會變成咁詭異既生物架……
無天理呀！
點解呀……媽咪呀……點解個天要咁對我呀……
依家既我彼頭散髮，成個貞子咁，不過無左個身咁解姐。
算啦，是撚柒鳩但啦。
【魔物殺手】 蛛女 LV60
HP:15407/15407
MP:15897/15897
力量:1446 敏捷:2005
防禦:1411 魔力:2177
技能呢？
[蜘蛛結界:以自身為中心，為一定範圍內的生物賦予束縛(5秒)狀態]
[蜘蛛毒牙:對單體造成小型物理傷害，然後賦予猛毒(10秒)狀態]
[毒素激發:解除目標的毒屬性狀態，然後對其做成1000點固定傷害]
[暗影長槍:向單體投擲用暗魔法制成的長槍，然後造成大型黑暗傷害]
[幻像魔法:迷惑敵人，使敵人陷入幻像之中]
被動技能呢?
[毒素免疫:自身免疫毒狀態]
[黑暗祝福:受到的黑暗傷害減少一半，自身造成的黑暗傷害上升]
唔……
無左螳螂之鐮同蠍尾射擊，明明呢兩招好有用囉！
暗影長槍，係我既重要輸出技能，好似唔差。
然後，幻像魔法？唔知好唔好用呢。
無頭騎士係瓦礫到爬番起身。
對佢用幻像魔法啦。
咦……呀……咩話？腦入面有把聲要我去設定佢見到咩幻像？
咁麻煩架，實戰點樣去慢慢諗咩幻像呀。
算啦……就……就等佢以為土元素係火龍啦。
哇！消左好多MP……消左成3600MP到……持續用既話每秒再消360……使唔使咁多呀……
[幻像魔法的MP消耗量由敵人的魔力決定]
算啦，以後都係唔用。
但係，好似好有用。
無頭騎士真係走去打土元素。
土元素好無奈咁，一拳打落去無頭騎士到。
嘻。
暗影長槍，致命一擊命中無頭騎士，好慘咁比我殺左。
[等級上升至61]
不過，呢招暗影長槍真係好高攻。
睇番，毒素激發真係無撚用。
原來，我既STATUS已經升左咁多。
火龍真係比左好多EXP。
最奇怪既係，我既STATUS升得真係好快，同其他生物比，真係好快。
依家既我，或者已經可以同土元素一戰。
都係唔好住。
土元素背後一定有個大BOSS。
依家唔好對佢出手住。
而且，火龍既說話真係令人在意。
佢以為我係敵人？佢既敵人係邊個？
外星人？
唔係掛。
第8層。
第8層將會見到佢既敵人。
仲話咩自己死左，就無人可以同佢抗衡。
有咩好驚喎，火龍呢種怪物都比我殺左，仲有D咩更加得人驚既怪物呀。
我諗番起情報掌握對第8層既描述。
[尤克特拉希爾地下城-第8層:虛空。]
虛空。
姐係點？
落去睇下啦。
我同土元素，一齊行過去第8層入口。
入口……
根本就係……
入口係個懸崖？
唔係……應該話係第8層係一個大空洞，而第7層既火焰區域，對第8層黎講只係一個閣樓。
舉頭一望，第8層高到見唔到天花板。
低頭一望，亦都見唔到盡頭。
「你……是誰？」
咦？
懸崖倒塌……係……係人為？係攻擊？黎自第8層既攻擊？
我同土元素跌左落去。
死……死啦……居然仆街死……唔係掛掛掛掛……
呀。
土元素開左唔知咩技，泥土變軟，跌唔死我地。
哇。
怪物？
係……係一個骷髏頭，銀白色既巨大骷髏頭，然後後腦附近有幾條白色既觸手(?)。
唔係，唔係觸手，應該話係觸手既骨頭，好似觸手咁FING黎FING去。
唔係骨頭黎？睇真D，佢成個身都係銀造，睇落似骨姐。
體型都幾大下，最少係土元素既十倍以上。
但係，最可怕既係，除左骷髏之外，第8層一隻怪物都無。
「我……知曉一切。你……是誰？」
你唔覺你講既野有矛盾架咩？
睇下佢STATUS先。
【猶格‧索托斯的僕從】 拉普拉斯之妖 LV86
HP:134285
MP:105971
力量:4077 敏捷:2218
防禦:4096 魔力:4699
同火龍差唔多。
「你……是誰？為甚麼……我不知道你是誰。」
「好煩呀你，我夠唔你係邊個啦！」
咦？
我講到野？係喎，我依家係人頭喎。
把聲仲好SWEET添。一聽就知呢把聲既主人好PURE好TRUE，好似係。
「你……是誰？」
不過，真係好煩。
我感覺到，呢隻怪物有D與別不同。
【猶格‧索托斯的僕從】？
類似土元素既稱號一樣，睇黎佢上面仲有幾隻BOSS。
不過，單係呢隻BOSS已經有龍級數既力量。
但係，同土元素唔同，呢隻BOSS好詭異。
應該話係，同呢個世界格格不入。
全身都係金屬，大概呢樣就係異樣感既所在。
感覺上，好似係機械人，完全唔似係呢個世界既生物。
所以，情報掌握！
猶格‧索托斯係乜水？
[鬼知。]
咩話？
情報掌握唔知既野，就只有唔屬於呢個世界既樣。
就好似係我既存在……
佢係……外星人？
等等！
咩係外星人？
外星人係咩黎？
如果咁計，我都係外星人？
我同佢係同類？
個腦就黎爆炸，唔明既野實在太多。
但係，呢個時候，我要做既野只有一樣。
打低呢隻怪物！