自殺以後，進入了RPG的世界: 我與你

我一時間無法行動。
並不是字面上的，受到束縛的意思。
而是我根本不明白該何去何從。
我，蠍子女王，就只可以作為唯一嘅觀測者，見證住佢哋兩個人之間嘅戰鬥畫上句號。

這就是最後的最後。

惡魔撤退了。

蜘蛛女王嚟到海龍王嘅面前，抱起受咗重傷嘅蜘蛛女王。





「點啊，唯一嘅同伴比我打成咁，係咪好嬲，終於明白我嘅感受？」

無回答，只係默默咁望住佢。
無事，大概。
蜘蛛女王鬆咗一口氣。

然後，係空間魔法。
把假嘅，受咗重傷嘅蜘蛛女王送咗返去。





一切都已經無意義。
第三次世界大戰。
大類滅絕。
惡魔入侵。
種種嘅一切都已經無所謂。

蜘蛛嚟到呢個地方，為嘅就只係一樣嘢。
終結佢同溫蒂妮之間嘅恩怨情恨。

「不過，佢當你係同伴姐。你應該都只係當佢係一枚棋子，可憐嘅女神。」




「真係可憐。」
「咩意思？」

蜘蛛笑咗一笑，就說：「緊係話佢可憐啦，唔通話你。」

「你果然由頭到尾都無將我放喺眼內。」

「無論我講咩都好，你都會轉化為負面嘅字眼。你只係俾仇恨蒙蔽咗雙眼。」

「加害者仲有面咁樣指責受害者，唔通你要我放低恩怨，同我有講有笑咁，繼續龍王嘅工作，幫你守護住你嘅世界？」

海龍王聲嘶力竭，把一個又一個嘅人名大聲叫喊出嚟。

MK妹一號=上古時代聯盟之王。
堅系令囡=初代魔王。




肥豪=宙斯。
John=吸血鬼偽魔王。
Miss Chan=白兔。

那是轉生者們的名字。
恰如清脆的雨點鏗鏘的打落在我們的心扉之中。
那是受害者們的怨魂。
彷若濃稠的泥濘纏綿的填滿著你我的心房空間。

單係轉生者，有一半都直接或間接死於蜘蛛手上。
接下來嘅，溫蒂妮已經數唔清，但佢依然一一咁細數蜘蛛嘅罪惡。

火龍王沙羅曼達。
精靈王。
奧丁。




天照。

殺死天照之後，甚至諗住毀滅世界。
將所有嘅生命統統殺哂。

無咩大理由，只係心情唔爽就殺。
因為覺得世界有負於佢，就毀滅世界。
因為自己無法融入世界。就毀滅世界。
存在即是邪惡。
惡嘅化身。
至高嘅惡神。
毫無智慧可言嘅行動，只為本能而殺。
盲目痴愚之神•阿撒托斯。

既然如此，替天行道，都無咩錯。




溫蒂妮嘅存在意義，應該話係白雪=班長=海龍王•溫蒂妮唯一嘅存在意義，靈魂本質在於，將惡神殺死。
復仇。
復活一次殺一次，直接名為蜘蛛嘅個體永不超生。
三段數千載嘅人生，僅為一人而活。
那可是拯救世界，作為真正勇者嘅佢，所擁有挑戰魔王嘅權利吧。

可悲的權利。
可笑嘅權利。
依家睇返，先發覺多麼嘅可笑。

可憐嘅人，係你我。

於是勇者魔王嘅決戰就咁揭開序幕。