自殺以後，進入了RPG的世界: ❆班長與梁同學

我乃司掌水與大海之龍王。
即使嚟到另一個世界，作為海龍王嘅我亦一樣嘅強大。
反之嚟到呢個世界嘅你，用唔到管理員權限。
蜘蛛唔再係神，只係同我一樣，不過係嚟自異界嘅魔物。
存活咗數千年，身為龍王之首嘅我，絕對無可能輸比區區一隻小蜘蛛。

企起我面前，用人類模樣望住我嘅小蜘蛛。

細雨如針。
每一滴雨水都有堪比子彈嘅威力。




無謂係石屎定鋼鐵都一一比雨水所貫穿。
作為使用者嘅我，都覺得呢一招蠻不講理。
但我相信，梁同學一定有方法破解。

空間魔法。
佢用空間魔法消失咗。
會用邊招？又係去到我身後絞殺我？
但我化為龍嘅形態，絞殺已經係無可能嘅事。
只見佢喺天上，一下飛踢，化作流星，烏雲盡散，一擊就將我巨大嘅身軀踢開。





不愧係梁同學，果然無可能咁易打得贏你。
巨大嘅衝擊力將黑雲消滅，即使係我一時三刻都唔可以再次令到天空落雨。

作為龍王嘅我，亦唔會咁易比你打敗。
我身為異世界最強嘅存在，亦一早為咗對付你做好萬全嘅對策。
毒對我無效，蜘蛛網亦束縛唔到我。
魔法免疫，暗傷害亦大幅度減免。
佢可以做嘅，就只有干預時間嚟攻擊。
但面對我龍王嘅軀體，一切物理傷害都無效，意味住梁同學無任何嘅手段傷到我。





佢係神，可以事前喺異世界安裝唔同嘅技能落自己到，用嚟對付我。
之但係，身為異世界最強存在嘅我，根本無可能輸比異世界任何嘅技能。
就算佢以管理員權限為自己創作技能，嚟到呢個世界技能亦唔可以大幅度突破物理法則。
太誇張嘅技能喺呢到係無效，唔可以用奇怪嘅技能即死我。

你已經輸咗，梁同學。

但我唔敢怠慢。
企喺我面前嘅，係終極嘅邪神。
有住以弱勝強嘅能力

空間魔法嘅先兆。
我以直覺預判咗佢嘅動作，立刻對佢即將出嘅位置發動吐息。
果不其然，直接命中。
可惜呢一擊為求速度犧牲咗威力，而佢亦都用蛛網纏身作避彈衣。




效果不大。
但亦被擊開至百米之外。

我承勝追擊，張開口，再一次以吐息攻擊。
來自龍王嘅究極吐息，所到之處都化作淨土。
只係削去左佢一隻手臂。
佢抱住傷口，終於由人型變為蜘蛛女王型態。
右手返返嚟，但你文基本上已經失去左人型態，只要再中一下攻擊你就玩完。

比起人型，蜘蛛女王型態有更強嘅速度、魔法能力、身體能力，但同時身體變大咗，根本就係個活靶。
無論魔法、肉體能力變到幾高都好，都唔會高得過我。
速度亦一樣，我遠超於佢。

佢喺下半身個蜘蛛口到拎咗樣嘢出嚟。
火箭砲。




居然想用啲嘢嚟打敗我，就連核彈都唔會傷到我。
跟住佢發砲攻擊，原來係閃光彈。
我一下子陷入失明。

咩都睇唔到，而佢準備發動攻擊。
我一下尾掃，將佢打落地上。

即使失去視力、聽力，我皮膚亦感受到空間嘅水份流動、濕氣。
你嘅攻擊根本毫無意義。

「checkmate」
係空間魔法嘅先兆。

原來如此，利用空間魔法鑽入我嘅胃入面再強行攻擊？
似係蜘蛛嘅攻擊方法。




但太慢。
我立即變為人型，拎起劍斬落本應係我胃部嘅空間。

我斬斷嘅，並唔係梁同學嘅肉體，而係頭先枝火箭砲？

吓？
梁同學呢？

佢企喺嗰到。
然後講咗句令人在意嘅說話：「下半場開始。」