自殺以後，進入了RPG的世界: 執念

我思考咗好耐。
我嘅生存目標究竟係乜。
我發覺自己就好似係個空洞一樣，我就連自己想做啲咩我都唔知。

我發覺我嘅人生就應該要有一個目標，無論係咩目標都好，應該都要定個目標。
那怕係個無意義嘅目的，都要欺騙自己，都要為呢個目標前進。
如果唔係嘅話，我嘅一生絕無意義。

我面前有個男人。
佢保護住個細路女。




保護呢個女仔或者係佢人生嘅目標。
佢哋係父女？

我又諗返起我嘅設定。
我要保護身為我個女嘅Alice。
但事實上，Alice並唔係我個女，而佢亦都唔需要我去保護。
但失去咗呢個目標嘅時候，我內心又變返空洞。
我心入面嘅巨大空洞，好似係個千年魔境一樣。
似乎有住上千年嘅執念喺到，無法消除嘅無意義之物。





我見過Alice，見過溫蒂妮，見過約翰。
溫蒂妮似乎就係要殺死蜘蛛。
真正嘅千年執念。
殺死蜘蛛就係佢嘅人生意義。
為咗復仇，佢等待咗數千年，幾段唔同嘅人生。
真正嘅千年執念。

反而Alice唔同。
我聽聞過蜘蛛、溫蒂妮、Alice嘅事。
由於時間線嘅唔同，溫蒂妮眼中同蜘蛛之間嘅恩怨已經係幾千年前嘅事。




而對Alice嚟講，不過都係近期嘅事。
但身為地獄大公爵嘅阿斯塔錄，Alice並無一心一意咁去復仇。
佢眼中只有帶領住惡魔呢個種族，只係咁橋佢依家嘅敵人係蜘蛛。

佢無放棄咗憎恨，只係對佢嚟講有比復仇更為重要嘅嘢。
呢點同溫蒂妮唔同。
出發點唔同，但佢地都係要打低蜘蛛，僅此如此。

約翰無選擇到任何一邊。
佢深明蜘蛛係惡之所在，但亦唔代表Alice代表住善。
講到尾，佢哋之間嘅恩怨同約翰無關。
對於身邊嘅人嘅死，佢只可以感到無奈。
蜘蛛對徒弟嘅見死不救，佢亦無諗住復仇。
只係覺得攰，時來命也。





而我呢？
我依然唔清楚自己想點。
但或者，蜘蛛係我嘅敵人。
我亦唔自己點解咁諗。

於是乎，我對眼前嘅男人，或許係蜘蛛同伴嘅佢出手。