自殺以後，進入了RPG的世界: ☣毒蟲之女

毒蟲之女

內比羅斯自燃。
似乎為咗燒斷纏喺身上面嘅蜘蛛絲，佢一早就已經準備好對策。
蜘蛛絲怕火，只要些微星火，就足以將所有蛛絲燃完。
紅焰好快就將佈滿四周嘅蛛網吞噬，一下子就將成個戰場化為火海。

內比羅斯唔敢輕舉妄動。
佢明白到佢嘅對手遠超於佢以前見過嘅任何一個人。
大概蜘蛛有呢個意圖，在場所有人都會即死。




內比羅斯深明呢一點，唔敢露出任何嘅破綻。

蜘蛛突然之間張開左眼睛。
內比羅斯似乎亦知道眼睛代表啲乜，以神速避過蜘蛛嘅視線。
內比羅斯好明顯係有備而來。
為咗打贏蜘蛛而嚟。

喺呢一個戰場上面，蜘蛛先係被狩獵嘅一方。

唯獨呢件事係無可能發生。





即使有備以嚟，蜘蛛亦都係破格嘅強。
單純要眼神殺敵，只要比佢望到，就會中劇毒。
何等蠻不講理嘅招式。
就算明白原理，但要避開眼神都係件無可能人嘅事。
有幾隻惡魔已經中毒身亡。
恰如子彈蟻嘅毒彈一樣強烈嘅毒性，就算係高等惡魔只左都會即死。
殘存嘅惡魔只可以匿喺建築物之後。
但呢種三腳馬嘅躲藏方法，點會難得過識瞬間轉移嘅蜘蛛。





蜘蛛再一次主宰戰場。
就好似玩緊捉伊因咁。
只要俾蜘蛛見到，就會死。

內比羅斯究竟有咩打算。
就咁落去只會坐以待斃。

我趁住蜘蛛嘅捉伊因遊戲，去執起咗頭先死左嗰位子彈蟻手上嘅步槍。
帶有蜘蛛毒嘅子彈。
藍鯨都會即死嘅毒素。

我嘅目標從來都唔係要殺死惡魔。
蜘蛛女同惡魔，Uncle Sam同宗教，兩者之間嘅衝突同我完全無關。
我要做嘅，就只係保護伊莉沙白。





趁住蜘蛛女同惡魔對峙嘅空檔，我抱起伊莉白，有咁遠走咁遠。
唔理佢係銀鑰匙定係乜嘢，就算擁有召喚異星之物嘅能力，對我嚟講伊莉沙白都只入一個平凡，不善表達感情的細路女。
係一生嘅寶物。

我唔知自己跑咗幾耐。
但無論係惡魔，定係蜘蛛女，以至子彈蟻都好，都無一個人阻止我、追我。

為咗你，我可以捨棄一切。
就算係一直守護嘅村民都好，即使佢哋淪為人質，我都要保護好我嘅摯愛。

我唔知跑咗幾耐，身體有啲抖唔到氣，於是停咗喺度。
伊莉沙白一如以往咁，目無表情咁望住我。
無笑容，無疑惑，恰如無機物一樣，以雙瞳機械式咁凝視住我。
我緊抱住佢，將佢細小嘅軀體抱入我嘅懷抱。





「......」

我放開伊莉沙白，左手撳住頭先搶返嚟嘅步槍。
突然出現喺我眼前嘅，係一個金髮少女。
有如同蜘蛛女一樣嘅氣息。
恰如毒蟲一樣嘅惡毒之女。

「真嘢真係好。」

意義不明嘅說話。
無法理解佢係敵人定係點。
如果係惡魔都還好，最起碼我嘅槍對佢有效。
但如果係蜘蛛女嘅同伴嘅話就好難講。
我唔確定呢種可以即死藍鯨嘅毒，可唔可以殺死蜘蛛女。
同埋，唔清楚呢種毒對金髮女人有無效。




喺不明嘅情況下，唔好輕舉妄動好啲。