自殺以後，進入了RPG的世界: 所謂既靈魂

不死族魔王城。
姑且就咁樣稱呼我住既地方啦。
雖然成座「城」就只有我、瑪麗同埋龍人。
其他既守衛似乎唔係到……
算啦，不死族係頹頹地。
不過我假假地都叫做個魔王。

我係NPC。
無靈魂既生命體。
隨手可以製作上億個我出黎。




即使知道呢個事實……
我都唔知道自己應該點做。

以前既我，好似一直都依照住本能黎行動。
去見Alice。
不過，依家先發覺自己呢個所謂既本能，
好有可能係蜘蛛設定出黎。
只係希望我去接近Alice。
蜘蛛最終既目的係乜，我真係唔知。
而我，亦都唔知自己想點。





無命令，我呢個NPC又應該何去何從。
我好攰。
好心煩。
有時係到諗，不如死左佢算。
反正蜘蛛都應該唔需要我。
就算需要「我」，都會整多個新既「我」出黎。
我，根本就無意義。

我既願望係乜？




npc有願望架咩？

有。

我望住瑪麗，諗返起往事。
瑪麗係邊個？
真正既瑪麗係前不死族夫人。
而眼前呢個瑪麗，就不過係前不死族魔王嘗試整出黎既產物——不完全既復活產品。
只係重新構成到肉體，重新構成相同既性格、思維、記憶。
外在形式完全一樣，但係靈魂並唔相同既同一個人。
瑪麗佢究竟有無靈魂，到底佢係真正既生物，抑或是同我一樣，都係NPC？

根本就分唔到。
就算我開口問瑪麗，瑪麗自己本身都唔會知。
因為蜘蛛講過，靈魂係屬於神域所研究既野。




低等生命無法證實靈魂既存在。

呢個時候，我先發覺自己同瑪麗真係好相似。
於是乎，我搵到自己真正既願望。

「關於復活儀式，你地究竟研究到幾多？」
「我去過我先生生前既研究所，亦即係比你破壞左果個，發現幾乎完成左研究。」

完成左研究？
復活既儀式？
真係有辦法復活？

「可惜功虧一簣，完成左理論既時候比你地阻止左，呀，唔係，你地既阻止係必然。」
「……你恨我地？」
瑪麗並無回答。





我企左起身。
我已經決定左。
自己之後要做D乜。

係我腦入面，出現左一個人既身影。
唔係蜘蛛。
唔係天照。
唔係阿斯塔錄。
係約翰。
約翰‧提托。
大賢者，次元的魔女。

我既願望就係，復活次元的魔女。





「係禁忌，復活係禁忌，你真係要咁做？」瑪麗問。
點頭。
「復活要個條件，犧牲三千萬份既靈魂，奪取其中既能量黎固定返復活對像既靈魂落肉體身上。問題就係，你依家並唔知復活對像既靈魂去左邊，你仲要犧牲一千萬份靈魂黎搵返復活對像既靈魂。

所謂奪取靈魂既能量，係要殺左果個人先，而果個人既靈魂一千年內唔可以再投胎轉世。呢到已經唔再係神域階段既野，已經係去到星球、世界層面既野。靈魂係星球既……可以當係錢，或者星球既生命力，呢個行為就係破壞緊呢個世界。

簡單黎講，你係要殺死四千萬個人。

知道完真相之後，我都無信心再去支持呢個計劃，所以你都係放棄啦。」

仲洗問既？
主意已決。
四千萬個人姐。
照殺。





只係有個問題。
前不死族魔王既研究……會唔會研究得太過深入？