自殺以後，進入了RPG的世界: 繼承者

上回提要:略。
總之就係同邪教組織既人打緊果陣，我同天照比兩個神祕人救左。

依家我地身處於一間木屋入面，森林入面既木屋。
黑色爛衫既骷髏族男人係到磨刀。
紅色外衣既女人凝視緊我。

【死神】 骷髏-歐西里斯 法師 LV99

HP:7296/7296




MP:11984/11984

力量:726  敏捷:828
防禦:788  魔力:1644

【火焰之子】 人類-火蜥蝪 戰士 LV99

HP:12421/12421
MP:9457/9457





力量:1164  敏捷:1054
防禦:1064  魔力:971

火蜥蝪？呢個係果個紅色女人既名？
好奇怪，但係我就無多口啦。

呢間木屋係佢地既屋企？
雖然有少少簡陋，但係要有既野通通都有，都幾似一個正常既屋企。
似乎，呢兩個人係夫婦。





然後，火蜥蝪突然間開口：
「呢個就係你既繼承人？」

繼承人？
佢同我講野？
唔係，佢同緊天照講野。
天照笑一笑，然後回答：「唔知呢。」

「咁希爾芙呢？」
「秘密。」天照笑住回答。

「等等，你地講緊咩？」我問。
完全跟唔到進度？

「吓？你唔知咩？通常管理者會搵一個人做跟班，去繼承管理者既地位，好似師父同徒弟咁。」




繼承管理者既地位？
意思係，即係我有機會成為神？
「而我亦曾經係管理者既繼承者，曾經。」火蜥蝪似乎係到嘆息。
「你憎蜘蛛？」天照問。
「咁都無，似終係弱肉強食既世界。」

繼承者？
如果係咁，蝴蝶女王莫非都係繼承者？
會去繼承蜘蛛作為神既身份？

「不過呢個人何德何能？佢有成為神既能力咩？」
火蜥蝪望住我。

「梗係無啦。」天照諗都唔諗就回答。
呀，好過份。





不過，呢個火蜥蝪，絕對唔係等閒之輩。
最起碼佢認識天照，知道女神既存在。
甚至曾經係一個繼承者。
既然係咁，骷髏族男人更加令人在意。
至今為止佢一直係到磨刀，一句說話都無出過。
既無比我地既對話嚇親，亦無參與我地既對話。
好似成為神對佢黎講都不過係一件小事。

佢舉起左把刀。
似乎感到滿意。
毫無疑問，呢一把刀係一把寶刀。
所以呢個男人係一等一既刀匠？
身為一個法師，居然係到磨刀，實在係有少少唔合常理。





「火球術」
火蜥蝪一個火球車落去骷髏到。

「呀，好痛呀，做咩呀你？」
「我問你做緊咩先岩，磨磨磨，係到磨舊垃圾出黎做乜？」
把刀比個火球燒爛左。
好脆弱，究竟係把刀廢定係火球勁，呢層我就唔知啦。
「男人愛高達，女人唔明白。」
「九唔搭八。」

「重新自我介紹一下，我叫火蜥蝪，係火龍族，龍王之妹。至於呢個無用鬼係我先生。」
火蜥蝪企係身同我講。

「我……蠍子女王，無名既蠍子女王。」