自殺以後，進入了RPG的世界: 不死族魔王

「仲要繼續？」
「不了，我投降，再打落去都唔會贏到你。」
我舉手投降。

依家既我，絕對唔會係蜘蛛女王既對手。
所以，投降啦。
反正都無蝕底。

「唔？既然你唔係黎開拖既，姐係黎加入我地？」
「無錯。」




「不死族魔王。」
「係。」

蜘蛛女王個樣好似有少少驚訝，然後就話：
「估唔到喎，以為你好堅決咁拒絕添。」

我信唔過聯盟之王。
雖然對唔住約翰，但係我真係信唔過蝴蝶女王。
然後，魔界又好似無乜野。
眾魔王似乎都唔係我既敵人。




此外，魔界似乎係一個更加自由既地方。

「明白。」蜘蛛女王用返嚴肅既口吻。

無幾耐之後，有幾個人走左出黎。

「自我介紹下啦。」

【獸人領主】黑犬-巴斯克維爾，一隻黑色既狗。
【巨人領主】泰坦-克羅諾斯，一個百米高既人。




【哥布林領主】報喪女妖-班西，白衣女子，雙手遮住塊臉係到喊緊。
【黑騎士】，身份不明，黑色盔甲既一個人。

「好遺憾，龍人魔王死左，佢個位從缺。然後就係我，惡魔魔王。之後就到你，新加入既，不死族魔王，蠍子女王。」
蜘蛛女王笑笑口講。

咁多個魔王唯一既共通點係，自己並唔係自己所屬既種族。
獸人領主既種族係黑犬而唔係獸人，巨人領主係泰坦而唔係巨人。
都係一D類似既魔物。

其他人都無咩野異議。
然之後黑騎士黎拍左我膊頭一下。
[獲得稱號【不死族領主】]

我成為左魔王。




轉生黎到呢個世界之後，成為左魔王。
都唔算差啦，下話？

「蠍子……」
空間出現左裂縫。
約翰帶埋三師姐追到上黎。
望住我地。

「走啦。」
佢好似阿媽一樣，走過黎拉住我隻手，話要走。
我唔行。
佢望住我。

「對唔住。」
「……」




「我決定加入魔界，成為魔王。」
「點解？」
「……」

「你講笑咋？」
「我係認真既，你地走啦。」

呢個時候，我見到三師姐皺哂眉頭。
好似好不爽咁既樣。

黑犬企左出黎。
「聯盟既人係到自出自入算點？」

「等等，放佢地走啦。」我開口。





黑犬見到我咁講，收起把劍。
「你最好唔好再踏足魔界一步，唔係既話要你人頭落地。」

約翰仲係呆左咁企係到。

「殺，無赦。」
報喪女妖背脊爆左幾隻黑色既手出黎。
「黑影之手」

「魔法反制」三師姐開技，反制左報喪女妖既一擊。
本來毫無表情既佢，依家可以睇到佢非常之嬲。
三師姐拉住仲發緊呆既約翰。
約翰無奈地，用空間魔法離開。

呢個時候我同約翰雙眼對望。




只係短短一瞬間，佢就走左。

蜘蛛女王拍一拍我個頭。
「走啦。」