自殺以後，進入了RPG的世界: MK妹你好嗎？

地龍王受左重傷，之後退後左幾步。
應該係想撤退。
地龍王應該都明白，自己唔夠黑騎士打。
雖然一直都覺得黑騎士好可疑，但係實際上黑騎士真係好可靠。
不過，問題就係，就算呢一刻可以擊退到地龍王，但係之後應該要點做呢？

下一次出火龍王、海龍王又應該要點做好呢？
甚至，奧丁親自出馬，我又應該點做呢？
奧丁依家只係開始懷疑我，可能只係覺得我奇奇怪怪咁姐。
但係擊退左地龍王之後，就好難講。




佢會唔會開始覺得我擁有管理員權限呢？
咪住先，明明我都無用過權限。
實際上係黑騎士郁手，我咩都無做過，無理由入我數。
無錯呀，奧丁係懷疑，都懷疑黑騎士先啦。
之前已經同人講過話我唔識黑騎士，所以應該無事既。
無事就有鬼！

算鳩數。
見步行步。
船到橋頭自然直，話撚柒鳩閪之佢啦。





火龍尼德霍格見形勢唔對路，亦都開始撇。

「地龍王都不過如此。」黑騎士最尾都要嘲諷佢。

地龍王想講野，但係一開口，個嘴就噴血。
睇黎傷到講唔到野。

黑騎士無追擊，放左佢地一馬。





暫時安全。

堅系令囡：「梨無事吖嘛？」
我：「無事。」

無錯。
既然唔可以再留係王宮，索性就跟住緊系令囡搵食。

堅系令囡：「梨無事就好。」

MK妹都咁識得關心人架咩？

兩條龍走左，隨之而來既係王國既軍隊。

帶住王國軍隊既係佢地既女王殿下，簡稱MK妹一號。




MK妹⋯⋯
係喎，堅系令囡都係MK妹。
一個係魔王，另一個係王國既女王。
明明以前係FD子，係咩洗讚小雞雞。
但係依家變成左敵人。
仲要係兩邊既BOSS。

MK妹：「哦～原來你係無間道。哈？咩年代呀？會唔會老套左少少呀，無間道。不過都算，你唔係覺得由呢幾隻騎LE怪可以造低我地？真係想創你個心呀豬兜。」
睇黎，係佢眼中，我係魔王派黎既卧底。

堅系令囡：「梨就系王國既女王？」
MK妹：「關你撚治！阿叔，你邊位呀？」
堅系令囡：「好話啦，禾就系魔王。」
MK妹：「魔王？吓？就係你？吓？呢隻野可以造鳩我個王國？咪撚玩啦。」
堅系令囡：「咪話禾吾教精梨，做人謙虛D好。」




MK妹：「謙虛？緊係啦，你班蛋散真係成件散彈咁，無料扮唔到四條，緊係謙啦！」
堅系令囡：「講咁多野做咩？梨都系想依家開鳩我地拖姐！黎啦！樂意奉陪！」
MK妹：「黎呀！驚你有呀！」

依家？
直接打仗？
等陣先！
魔物既軍隊話就話強姐，但係頭先先同完火、土元素軍隊打完，傷亡殘重，未必可以抽贏佢地。
堅系令囡都幾衝動下。

「等個靚等先！等陣先呀女王殿下。」
大賢者之妻，簡稱肥婆蓮，呀，唔係，前世先係肥婆，今世唔係。

肥婆蓮係MK妹耳邊輕聲講野，大概係話咩依家開拖唔好，只係得幾隊人馬，大軍都到，可能會輸，又驚我地有埋伏咁。





MK妹：「好，我就放過你地一馬，留番你條狗命先！」
堅系令囡：「梨驚牙？」
MK妹：「係呀係呀？SO？」
堅系令囡：「⋯⋯」
MK妹：「吹咩？見你地夠柒，就放過你地先，開心下啦，SMILE，死裡逃生係好事黎！哈哈！」

都係好事黎。
起碼唔洗直接演變成戰爭。
魔界依家好明顯仲未成熟。
軍隊只係得班戰鬥力高既怪物頂住，無指揮可言。
咁樣落去可能會比佢地用戰術擊敗。
況且，仲未知道龍種會唔會參戰。
如果龍王參戰，魔界一定輸。

「燈泡。」




黑騎士突然開口叫肥婆蓮個名。

「咩⋯⋯？」肥婆蓮有少少疑惑。

「無事。」

轉生者。
同時出現三個。
總結下轉生者情況先。

上古時代：
魔王＝堅系令囡＝MK妹二號
女王＝MK妹一號
燈泡＝大賢者之妻＝肥婆蓮

現代：
白兔＝Miss Chan Chan
愛麗斯＝Alice＝19女神
排骨＝ON9=阿俊
偽魔王＝John

特殊情況：
我＝咪我囉屌
宙斯＝肥豪

未知：
？？？＝班長
？？？＝好毒果個