浮生若夢 · 改寫夢境的事: 5

顯然個夢對於我黎講係一個大刺激，首先最大嘅係佢同我講個句說話，其次就係佢居然可以意識到我嘅存在，

八點了，我捽一捽隻眼，沖沖忙忙地換左套自從畢業以後就無再著過嘅西裝，然後去我表哥間公司到見工。

我表哥其實就開餐廳仔嘅，不過都開左幾間分店，好似都做得唔錯，我諗佢應該養得起我掛？

隔住的士嘅玻璃望下呢個世界，感覺好似發緊夢咁，完全唔係我熟悉嘅世界，沉淪於夢境太耐，已經抽離唔到。

「表哥？好耐無見」我一邊打招呼一邊環視餐廳嘅裝潢，又幾靚幾有feel。





「係度就叫我老細啦，唔想比人話我偏心」佢上下打量左我以下，然後繼續話

「唔洗見啦，你想做乜就做乜啦，你煮野唔係幾得嘅咩，去做廚房啦。」佢搭住我嘅膊頭講

就係咁，我畢業後第一份工就咁穩到。

我同我表哥交情都幾好，佢同我嘅親密程度就猶如兄弟，試過係學校比人打，佢知道之後講都唔講就叫人接左佢放學。佢同我身高平排都係一米七八，身形亦都同我一樣瘦瘦高高，唯獨外貌上略為遜於我，但都不失為一個靚仔，帶住個眼鏡睇落斯斯文文，但其實佢性格扭曲到無人知佢諗咩。

一日嘅工作就咁結束，我隨手做左兩道餐牌上嘅餸佢就大讚收貨，不過我咁樣好似呃左阿晴文員呢樣野，不過是但啦，至少我有工開。





我對於呢份工作都好滿意，唔辛苦又唔太悠閒，最緊要嘅係幫我到攝時間唔洗虛度光陰。

「我走啦老細」說罷，踏出門口轉頭就撞到阿晴。

「乜...乜咁岩嘅？」佢好似有啲怕醜

「係啊 我係度返工嘅」

「哦~原來係咁，不如一齊返去啦好唔好啊？」





「好啊，反正順路」

沿路走一直係一啲死頂嘅話題，你食左飯未啊？你近排點啊？終究都係撐到翻屋企。

攰了，咁耐以離第一次咁大量嘅體力活動，翻到屋企阿媽對我嘅態度確實好過之前好多。

但我估唔到今場夢竟然顛覆左我嘅世界。