我要寫出一個好好好好甜既好故事: 第十三章 嘴角

  手上握著一冷一熱既維他奶,

並冇令我感到太好受,

所以我想盡快返去班房,

「喂,阿超,你望下......」

身邊傳來一陣聲音,





由於隱約見到成班高Form企埋一齊,

我都唔想搞咁多事,

抱住事不關已既態度壓低頭走過,

「喂,咪行住。」

隨之而來的是手臂傳來一陣痛楚,





感覺正在被人用力握住,

於是我回過頭來,

發現係阿瑩既男朋友,

「你就係咩天朗?」

阿超一臉不屑,

似乎我喺佢眼中只係一個路人甲

「係。」

雖然阿超係高Form,

但無理由係佢面前認衰仔,

只見阿超既朋友你眼望我眼,

一副難以置信既樣子,

然後阿超突然冷笑,

「哈哈,唔好以為你自己喺阿瑩心目中好重要,

只要我得到佢既身體,咁自然佢嗰心都會屬於我......」

阿超對我耳語,

雖然我唔明白佢既用意,

但係感覺佢要傷害阿瑩,

「我警告你,唔好傷害阿瑩!」

我握緊拳頭,

想將眼前呢個人渣打到變形,

但係阿超退後兩步,

然後用眼神示意佢兩個朋友,

之後佢兩個朋友行埋黎,

直接夾住我去後樓梯,

當然我嘗試用力掙扎,

但奈於力氣不足的關係,

我只好被硬生生咁拖左去後樓梯,

「放低佢。」

阿超示意兩個朋友,

應該算係手下,

將我放低咗係樓梯轉角既角落,

「你可以奈我咩何?我遲啲就食埋阿瑩,反正每次都係咁,

最終啲女咪又係乖乖屈服?不過無可否認阿瑩係幾難屈服,

不過佢真係正到呢......」

阿超面目猙獰,

同時伸出舌尖舐脷,

我真係好嬲,

完全唔明點解阿瑩會接受呢種仆街,

憤怒油然而生,

「你唔好搞阿瑩!」

我將拳頭揮過去,

只見阿超退後兩步,

旁邊兩個手下硬生生將我箍住,

令我無任何反抗的能力,

「同我撳低佢!」

阿超憤怒的語氣中帶有一絲的懦弱,

「唉,有人廢到同低form隻揪都唔敢~」

果然我戲謔的語氣令阿超的情緒更加失控,

隨即頭部傳來一陣劇痛,我下意識將頭擰開,

合上眼,

咬緊牙關準備迎接下一次的痛楚時,

「打夠未。」

突如其來的聲音嚇到了在場的所有人,

只感到手腳的活動不再被限制,

於是我就立即推開兩個高form,

向上方樓梯跑過去,

突然見到一個壯碩的身影儼然站在上方的樓梯,

陽光照耀在他的身上,

就好像一個英雄咁,

「你走啦,呢到等我黎就得。」

高大的身影示意我離開,

於是我就退後,

不奮一切咁跑返班房,

奇怪的是,

阿超同埋佢既手下並無追過黎

「阿...阿華,你會唔會太多事?」

阿超膽怯咁講,

就連望上去既勇氣都冇,

「我最憎就係以大欺小,最重要既係,你地人多。」

阿華冷冷咁望住三人,

毫無退縮的意思

「我唔介意再次打斷你隻手。」

說罷便逕自離去,

只留下三人怔怔地互相對望。


  為左令場面冇咁尷尬,

阿超示意兩人先行離去,

「都就上堂,你地兩個返去先,我有啲野要做。」

兩人當然知道阿超當眾出糗,

心裏一定好難堪,

於是靜靜地走開,

阿超內心既憤恨終於可以得到釋放,

「你打斷左我隻手,搞到我比教練逐出校隊,我遲早會同你算帳......

不過依家最緊要,就係搞掂阿瑩先,我一眼就睇得出嗰天朗對阿瑩有興趣,

而阿瑩,都對佢有好感,但係咁又點呢?

我會好好調教阿瑩,令佢成為我既奴隸,

邊個叫你呢個咩天朗令我當眾出糗?嘻嘻......」

阿超內心的邪念已起,

而阿瑩卻懵然不知。 

  

「阿朗,你嘴角咩事?流哂血喎......」

阿穎在樓梯遇到我,眉頭緊皺

「哦,頭先行行下唔小心仆低左姐,哈哈!」

我故作輕鬆,

以手撓頭,

果然天真的阿穎十分容易上當,

「超,仲以為你咩事添......喂,聽講你最近同嗰個咩陳瑤坐喎,冇野,問下姐......」

阿穎緊張的表情似乎隱藏了什麼秘密,唔通......?

「你咁在意人地?唔好同我講......」

話都未講完

「下,邊個話我鐘意佢架,你都戇九九......」

之後阿穎就急急腳行去廁所,

又唔小心發現秘密添,

哈哈,

不過我當然唔會周圍講啦,

朋友就係互相信任架啦,

邊會用秘密換朋友咁賤格,

原來陳瑤都有人鐘意,

啲人講得冇錯,就算你有幾普通平凡,

總會有人想當你係寶,

好好咁珍惜,

愛護.....

當我一諗起我塊寶,

那份迷人既笑容,

我的心底就隱約感受到痛感,

那一份笑容,

不再綻開,

至少,

永遠也不會再為我而開......

  我望向走廊打鬧的一群人,

以十七歲既眼光去觀察佢地,

發現並唔幼稚,

因為佢地係到創造彼此的回憶,

可能有人話我矯情,

但如果你用六十歲既眼光去望,

就會發現呢種情景係幾咁難能可貴,

回想起中學時期,

因為得唔到阿瑩既愛,

因此就封閉左自己幾年,

直至內心的寒冰漸漸融化時,

才發現已臨近文憑試,

大家都為了一個目標而奮鬥,

有著各自的伙伴,

而我,

卻因一直以來的封閉而失去了一齊操卷既時光,

失去咗奮鬥既動力。

其實又唔係話一定要每個人都有呢種經歷既,

不過於我而言,

可能總會感到有些少既孤獨囉,

所以話,

中學時期要表白就表白,

要識朋友就識朋友,

最緊要就係要懂得點去付出真心,

唔知算唔算過來人,

但係對於莘莘學子而言,

我相信總會有啲幫助,

或者,

我只係唔想其他人重蹈覆徹。




  嘴裏傳來一陣血鏽味,

而手中依然緊握著兩包維他奶,

只是,

凍的那包似乎也因血液的餘溫而變得溫暖起來......


  

_____________________________________________________________________________________________________________________________________________