《唔係啩！我間房幅牆有個窿》: Last Chapter

2016年4月10日

「水靈阿Ron，恭喜哂你哋！」這天是水靈和Ron的大日子，我和Carmen當然到場恭賀。

水靈看見了我，笑道﹕「搞咩呀你? 咁耐無見學人戴眼鏡扮斯文呀? 」

我囂張道﹕「阿靜就係鍾意我呢個斯文look！」

她不屑﹕「唓！斯文敗類！」



「靈姐姐，祝你哋白頭到老，永結同心！」Carmen獻上她的祝福。

我取笑Carmen﹕「嘩乜你講啲嘢咁老土嘅！」

水靈拍了我一下﹕「喂咁你呢！你唔駛講㗎? 就算老土我都要聽㗎！」

我點頭如搗蒜﹕「要要要！緊係要啦！」我拍了拍Ron的肩膊，感激道﹕「阿Ron，多謝你娶咗呢個女人！你拯救咗呢個地球嘅所有男人！我代表所有兄弟多謝你！」

水靈怒道﹕「你條友係咪想死呀！我唔介意今日紅事變白事㗎！」



在我們嘻笑怒罵之後，攝影師喊道﹕「新娘子要丟花球啦，各位女仕準備啦！」
 


一！
 


二！
 




三！
 


水靈雙手向後一拋，花球以完美的拋物線飛上半空。我瞇著眼看著空中的花球，心裏感概萬千。

這邊的水靈已經得到她的幸福了，死妹釘你呢? 你現在幸福嗎?
 


*************************************************************************************************************************************
 




2003年8月2日

「恒仔，你有信呀。」老媽子回家後就將一封信丟給我。

信?

我看了看，是用手寫的，貼了本地的郵票，但沒有寫回郵地址。

是誰寄給我的? 又不是宣傳單張或銀行信，我可沒有筆友啊！難道有女同學喑戀我寫情信給我? 但她怎麼知道我的地址? 咦? 等一等，這個字跡是......

我馬上拆開來看，五分鐘之後，我有點難以至信的捏了手臂一下。

痛！這不是夢！



我又從信封裏拿出「證據」—我會考成績單的影印本，還有幾張2010年發行的一百元紙幣。

幾天之後，我正式從學校裏收到我的會考成績單。

一樣......真的一模一樣......

可惡！他怎麼搞的? 怎麼不給我這一期的六合彩號碼? 就算查不到，給我一個股票號碼總可以吧！

唉......算了...我也知道他是怎麼想的，不想我不勞而獲嗎? 哼哼！

不過他說要我向水靈她......雖然我喜歡她，但這樣做真的行嗎? 想來想去我都覺得很不浪漫啊......
 


這天是我的生日，我約了水靈和阿靜一起吃晚飯。



我有點抱怨﹕「阿靜，點解你又會喺度㗎? 我好似剩係約咗你個靈姐姐咋喎。」我趁著水靈去了洗手間，馬上發牢騷。

阿靜聳聳肩道﹕「係靈姐姐叫我嘅，你有咩問題就問佢啦。」然後又蠱惑笑道﹕「做咩呀? 而家我喺度好唔方便咩? 」

我面紅耳赤，卻無法反駁，因為她說中了。

水靈這時候回來坐在我旁邊﹕「咦你哋講緊咩呀? 」

我連忙道﹕「無...無呀，埋單囉。」

水靈點點頭然後召了侍應過來，她正想付款之際，我截住了她並搶先結帳。

她愕然道﹕「今日你生日喎，等我請啦。」



我笑道﹕「我差你一餐飯呀嘛，講明有拖無欠，而家咪請你囉，我好有口齒㗎。」

她定定的看著我，表情好像有點驚訝。

我又道﹕「你唔記得喇? 『我』差你一餐飯喎，死妹釘。」

她眼睛馬上變得紅紅的，好像很感動的樣子﹕「你...你唔止差我一餐飯......你仲差我一個願望喎......」

我深呼吸一口氣，然後認真道﹕「死妹釘，我鍾意你。」

水靈的眼淚終於滑下來，她問我﹕「係佢叫你咁做定係你真係鍾意我? 」

我在桌子下輕輕牽著她的手道﹕「唔關佢事，我係真心鍾意你。」

水靈微笑著抹一下眼淚，反牽著我的手。

阿靜一直瞪大眼盯著我倆，她終於忍不住道﹕「喂你兩個喺度講咩啞迷呀? 『佢』係邊個呀? 乜靈姐姐你個花名係死妹釘咩? 仲有Raymond你就咁就示愛喇? 會唔會太求其呀? 靈姐姐你唔駛咁感動呀? 佢花都無紮喎！」

我倆沒有理會她，手牽手的站起來。

「喂喂！等埋我呀！」

阿靜馬上追上來挽著水靈的另一邊手臂繼續喋喋不休。
 


(全文完)