《萬物之靈》: 第九十一回 真相

『二十一年前。』

面具男那道充滿著莊嚴氣息的聲線在我們在場所有人的腦海中徘徊，短短五個字已足以懾人心神，吸引在場眾人的目光。雖然他的出場方式和背後的巨大翅膀亦是吸睛的緣故之一，但那人所帶來的神秘感，自是不言而喻。

而當豪哥聽到面具男的說話後，面上唰地一白，像是聽見了甚麼可怕的事情一樣，頓時呆若木雞，說不出話來。

『還記得二十一年前你幹了些什麼事嗎？』

面具男在看見豪哥如斯反應後，便接著說下去了。





『夠啦，等我自己講。』

豪哥沒等面具男再次開口，他突然微微轉身看著我，眼中盡是歉意，然後他雙膝跪下，以一個誠懇的目光看著我。我馬上嚇得走前半步，欲把豪哥攙扶起來。可是豪哥隨即擺了擺手，不讓我有扶起他的機會。

『源，對唔住。』

『我對你講左一個大話，一個好大既大話。』

豪哥到底在說些甚麼？他說他對我說了一個謊言，到底指的是甚麼？





『二十一年前，你既父母其實係因我而死。』

豪哥此言一出，在場眾人嘩然。而一些過往曾經和我有交集的人，包括啊風、啊雪、啊霆等人更是以一個擔心以及訝異的目光看著我，彷彿擔心著我會接受不了豪哥即將道出來的事實。

然而豪哥口中說的話著實驚人，不論是「純白羽翼」的人們，還是墮落天使他們那一邊的人，都不禁放下了戰鬥的心情，靜心看著豪哥說話。

『當時既我，仲係一個年少氣盛既後生仔。』

『而係我十七歲嗰一年，我已經係一個中等七階既天使。』





『本來無父無母既我，只可以四處流浪，今日唔知聽日事。』

『但就係某一日，你既父母從天而降，拯救左我呢個無用既細路。』

豪哥這時候臉上出現了一陣幸福的感覺，就像是回味著過去那些動人的時光，只是這些時光已再也回不去了。但我聽到這裡，還是不明白為什麼豪哥要殺掉我的父母。

『樂臣同思婷佢兩個，就好似我既再生父母一樣，每日都好悉心照顧我，甚至將佢地間屋空出一個位比我同佢地住。』

『而當時既你，仲係一個訓緊嬰兒床，未識講野的細路仔。』

豪哥臉上那幸福表情漸漸減退，開始化為淡淡哀傷。

『你仲記唔記得...？』

我在腦海中拼命嘗試回想豪哥口中所說的那些片段，可是任我想破頭腦卻也沒想到半點來，可能是我當時的年紀太輕了吧？然後我向豪哥輕輕搖了頭，接著雙目堅定的看著豪哥，示意他繼續說下去。





『當時我地既感情甚至乎好到樂臣同思婷都當我做親生仔，而且我都當左你做我既細佬一樣，我地之間既感情可以話係唔會輸比真正既家庭。』

『樂臣同思婷有一個夢想，就係可以集合世上所有天使變做一個群體，天使之間互相合作，不分你我咁生活。』

『於是佢地就創立左「純白羽翼」，一間表面上普普通通既公司，實際上其實係天使既聚集地。』

『嗰陣我同樂臣佢地為左「純白羽翼」，成日周圍去尋找其他天使既下落。亦因此先令到「純白羽翼」既規模越黎越大，天使亦都隨住我地既努力而變得更多。』

豪哥稍稍喘了口氣，然後繼續說下去。

『但係我地係尋找其他天使既過程之中，有時候會遇到一啲不懷好意既天使，亦因為咁我地好多時都要同佢地戰鬥。』

『終於係一次既戰鬥之中，我成功突破左變為高等天使。亦係嗰個時候，我領悟到嗰一招，「萬物之母」。』





「萬物之母」嗎...？我還記得豪哥曾經向我提及過，他長久而來只是使出過三次這禁忌的技能。第二次是他在墮落天使的基地戰鬥時，向著那個黑衣人所使出，從而令到那個黑衣人被他所抹去，從世上永遠消失。第三次則是他對著「無」使用，可是卻被「無」獨有的「空」屬性能量所擋下來了。

而第一次，他卻從來沒有向我提及過，亦好像沒有打算向我提及。

『上一次我都係大地之內同你講過，「萬物之母」呢一招，可以令我化身為大地，同一時間亦可以令其他人化為大地。』

『然而上次你地可以出返黎，係因為我將呢招既細節做左少少調整，令你地只係短暫時間之內化為大地。但大多數時間，我都只係會用呢招黎將敵人抹去。』

『樂臣一路以黎都好唔想我用嗰一招，因為畢竟我每次用盡全力使出黎之後，都會減少我十年既壽命。皆因我化身為大地再將他人抹去，會令到身處大地之內既我，被大地抽取生命力，所以先會有減壽呢個副作用。』

『樂臣佢真係好好...』

『為左唔比我用嗰一招，佢同思婷兩個人一路以黎都好努力保護我。係每一次既戰鬥之中，佢地兩個都會以我為中心作出最大限度既保護，免去左好多危險。』

豪哥說著說著，他臉上那哀傷的神色越發濃厚，看起來快要說到重要關頭了。





『終於有一次，係我地尋找其他天使既行動裡面，我地無意之中闖入左一個墮落天使既巢穴。而嗰一次，當場足足有一百個墮落天使係到，而樂臣同思婷為左面對數量咁多既敵人已經分身不暇，何況係要係戰亂之中保護我呢？』

『於是我亦脫離左佢地既保護範圍，走出左佢地既視線範圍以外戰鬥。』

『當時既我雖然已經係高等天使，但係眾多天使既圍攻之下，我地係以一敵三十以上既情況當然勝算唔高。因此當我地出現左節節敗退既情況時，我亦顧唔到咁多，要對敵人使出嗰一招。』

『但係，當我闔上雙眼之後，再次睜開眼，見到既唔係敵人，而係樂臣同思婷。』

『佢地為左要我一世都記住呢個教訓，不惜用生命作為代價，希望我唔好再用嗰一招。而係佢地死之前，要我好好照顧當時仲係一個嬰兒既你。』

『雖然我真係當左你係我細佬，但係每當我諗到你長大之後無父無母，都係由我一手造成既時候，我就覺得無面目對住你。』

『所以我當時搵左一個背景幾好既男人，將你交左比佢，而你成長過程中所有既費用都會由我支出，為既就係比你最好既生活。』





『但係當你漸漸長大成人之後，可能嗰個男人已經對你厭倦左，某一日我地搵唔到佢，佢亦從此消失。於是我地搵左另一個同佢好似樣既人，代替佢既角色去照顧你。嗰陣既你年紀仲細，可能未分得清佢地既外貌，所以據代替嗰個男人既人所講，你都無發現到啲咩異樣。』

縱使豪哥口中這樣說，但當時的我其實感應得到照顧我的那個叔叔給我的感覺轉變了。只是年紀尚輕的我又怎會懂得說出來呢？因此當時的我又不疑有詐，就這樣一直和那個代替品生活著。

『但直到最近，世界各地既神器都開始出現左啲唔同既反應。深知不妙既我覺得都係時候要令你醒覺，自己保護自己。』

豪哥一直說一直說，把他一直以來所做的事我娓娓道來。

聽到最後，我心中只是泛起了點點的異樣感覺，僅是有一種恍然大悟的感覺，沒有對豪哥有甚麼特別的憎恨。

『對唔住。』