【重力甜】《我阿妹係咸濕CAFE女僕》（完）: 第四回

詩韻羅左我點既Tea set埋黎，就話：「介唔介意我坐底？主人。」

果然都係要叫我做主人  。我話：「Piers。你唔介意既話你就坐啦。」

我一向對女僕cafe既野食無乜太大期望，不過試左少少，都算叫做ok啦！

「Piers你...你鐘意d咩？平時有咩興趣？」詩韻話。佢望住張檯，有d面紅。

我睇得出佢練習緊對白，離遠仲有個女仔望住我地，可能係Trainer掛。所以我合埋本書，認真d比佢練習下啦。



「我..鐘意睇下新聞，研究下政府既政策，留意下經濟咁啦，有時間會睇下書。」

「哦..原來係咁 。」詩韻話。

我太認真啦！我即刻轉返口風：「我都鐘意睇動漫既..高達00，JOJO奇妙冒險都有睇，哈哈」

詩韻好似有d失望，佢實以為d客人都會睇咩涼官春日定初音乜乜乜果d啦 

我好似搞壞左個氣氛咁。於是我邊飲我杯熱檸茶話：「你不如介紹下呢度？我今日先第一次見到。」



詩韻好條有自信返少少：「我地呢度今日先第一日開，係新開架...  」

佢講左一大堆說話，不過我唔dun波鐘，唔寫d廢話喇。

我同詩韻傾下計，當比佢練又好，識個朋友又好啦。

我有d急尿，想去個洗手間。好喇，戲肉黎喇！！

「我想去個洗手間。」



「好呀，我帶你去呀！」詩韻好的欣勤地拖住我隻手，帶我去到廁所門口。講真，我自己唔係咁鐘意比人掂我。不過靚女就算了。  

我入到呢個廁所，個充滿哥德式裝潢既廁所靚就不在話下啦，但又要貼埋哂d動漫公仔係度陪我渣水，我唔射你算比面啦！   

好喇，去完廁所，趁住無乜人，順便兜個圈啦。咁大間鋪成二千尺。三層高既鋪頭，無理由唔上去睇下既！  

樓梯非常之暗，有種好奇怪既氣氛。我行上二樓。感覺好奇怪！！成個2樓都係走廊！有10個房門咁上下啦，一直到盡頭。去3樓既樓梯呢？

呢個時候我比人搭一搭膊頭嚇左一跳，係另一個女僕！

女僕：「呢位主人，請問你去邊呢？ 」

「哦無...散下步姐。  」

女僕懶可愛咁笑左笑，其實佢都幾靚女。「呢度係休息房呀~專係比d怕醜d既主人使用既~你洗唔洗試下？」



「洗唔洗特別收費架先。」我話。

個女僕已經雙手推住我，推我入其中一間房：「唔洗架唔洗架~而家得你一個主人就唔洗啦~  」

睇得出呢位女僕係老江湖，著住呢套女僕衫都唔怕醜！但佢咁推我入房法...我有一刻幻想佢會推我上床，然後擒我！   

我入到房，好似酒店一樣既房，唔同在於左個櫃放左幾部高達同埋有幾張動漫poster。作為男人，一定比呢部GP-03高達吸引住，而忽略左張床，衣櫃同電視機。

女僕話：「有無相熟既女僕？」

我隨口就話：「是但啦，詩韻啦。」

個女僕唔知做乜鳩想念咒語，我即刻stop左佢：「得啦得啦去去武器走 ！」



女僕好開心地笑左一下，就走開左。

無幾耐詩韻羅住哂我既袋呀杯野飲呀走左入黎。詩韻話：「你要vip房同我講聲嘛~」

「VIP房   ？條女推我入黎架咋wo！」

0