【重力甜】《我阿妹係咸濕CAFE女僕》（完）: 第三回

我正想屌出聲架啦，唔係呀話佢真係覺得我想幫襯？  我望望條女僕，即刻由怒火沖天，即刻心平氣和返落黎。

呢個女仔，眼大大，雖然染左啡色頭髮，但都掩蓋唔住佢可愛既樣子。五官非常端正，樣子仲有d似我以前asso既一個女神。雖一可以挑剔既，就係好似無乜胸。

「32 B。」我已經scan完佢最重要既資料。無錯，我係巨乳控。只要你係一個女權當道既家庭之下，你就會對所有其它女仔作出對比。波唔夠我d家姐細妹大，就等於唔合格。

女仔有d怕醜，唔知係咪見到我掃描佢。「先生..係咪想入黎？」

我「哈」笑左出黎，點會有人咁樣做帶位架？   



因為呢位女僕幾可愛，好啦我就睇下你咩胡盧賣咩藥！我微笑左笑，「一位唔該。」

條女明顯training都未夠，但咁樣反而顯得佢可愛。相反，如果一開波就主人前主人後，我見到都調頭走。 

女仔帶我去到一個卡位坐底，呢度裝修可以話係奢華，有種皇室既感覺。雖然有新裝修既味道，不過幾部靚牌既空氣清新機裝所以臭味都過濾左九成。我大力吸一啖，比起外面空氣好一百倍。對於一個對生活有追求既人，能夠聞到咁靚既空氣，我覺得無黎錯地方。

cafe入面人都唔少，雖然全部係staff，不過都有成10個。有d係度踩排緊對白，我諗係主人前主人後果d啦。有d係度排緊刀叉，有d係度整緊件衫。

女仔係我睇餐牌時，就已經開口問：「先生...你想我叫你做『主人』、『哥哥』定『殿下』？」



「Piers得喇。」我話。「一杯熱檸水，一個Tea set A」

「係既，Piers。」個女仔微笑，可能佢應該係怕真係要叫人做主人。女仔走左，我準確羅出我剛剛係書局買返黎既新書，慢慢品嘗下。點知女仔突然行返黎。「唔好意思..我唔記得講.，我叫做詩韻。」

我笑左笑，其實佢唔洗同我講架喎。

「幾好聽呀。」我仲擔心緊要叫d毒男名，咩夢夢呀，初音呀，美雪呀，舞衣呀，仲有咩優子呀果d，唔鬼識呀  。

周圍望下，原來呢度d女仔都幾靚架喎真係，全部above standard，真係好難得，點解呢度老闆又會搵到一班靚女黎做女僕。每個女仔都無我想像中果種好假既感覺，反而比我一種舒服輕鬆既感覺。