[有沙入眼]是咁的，我嘅職業係幫想自殺嘅人寫遺書: 423.我想食
可能miki感覺倒，今日我地兩個嘅見面有啲特別意義，所以覺得怕醜
明明平日開籠雀咁吱吱喳喳叫唔停，今日竟然出乎意料咁靜
佢指住對面間肥姐，拉拉我衫袖：「我想食。」
我行過去，喺馬路前停低，同時發現miki啱啱係拉住我衫袖耷低頭行
紅燈嘅電子音有規律咁一下一下響起
我左手橫過胸前，去到右臂，將miki嘅手揸住，向下移，順住前臂，經過手腕，對上我右手手背
放開左手，右手張開，拖住旁邊，miki嘅手
「人地都無話比你拖⋯⋯」
綠燈，前行嘅聲音
「行咯。」