[有沙入眼]是咁的，我嘅職業係幫想自殺嘅人寫遺書: 422.傻佬

miki話，想去旺角

我地兩個喺肥姐對面間花店見面

去到嘅時候，miki已經等緊我

少有地⋯⋯唔係，應該話係前所末見，miki竟然唔出聲

佢俟住牆，當見倒我黎到就好似隻跟實媽媽嘅鴨仔咁走埋我身邊

金色短髮隨跑動跳下跳下，一對大眼向上望住我，但係好快又錯開視線

紅暈染上佢塊包包面度，令我諗起酒樓啲壽包，忍唔住篤左一下

「做咩篤人喎⋯⋯」

「呃⋯我想睇下有無蓮蓉流出黎。」

miki用手指篤翻我塊面，望住地下：「傻佬。」