[有沙入眼]是咁的，我嘅職業係幫想自殺嘅人寫遺書: 419.句號

過左去就翻唔倒轉頭，就算花再多嘅金錢同心機，都無辦法重現過去

「只不過，翻黎依度，望翻好似無變過嘅老地方⋯⋯腦入面⋯⋯多少都會重播舊時代嘅劇目⋯⋯」

如果美都拆左黎起樓，舊日嘅劇碼，就會曲終人散，隨住最後一個去過美都嘅人逝去，所有回憶都不復存在

但係回憶係無經濟效益，如果有一日政府收起附近嘅地同舖頭發展，就只能睇住舊日嘅回憶化為頹垣敗瓦

好在，林伯無機會睇倒回憶崩塌嘅一日





林伯話，佢已經無左皇后碼頭

但係慶幸，仍然有翻黎美都，回味過去嘅權利

普通話、日文同韓文嘅談話聲隨冷氣風聲時大時細咁傳入耳中

林伯嘅鋼筆，喺信紙上一筆一筆流轉，優雅順暢嘅筆跡，帶住溫柔同眼淚融合

佢不時提高眼鏡用手巾抹眼淚





而我嘅最後一單生意，亦隨住文末嘅句號畫上終結