[有沙入眼]是咁的，我嘅職業係幫想自殺嘅人寫遺書: 418.老地方

兩日後，我同林伯再次喺美都見面

「點解每次都係呢度見面？」

或者係想去老地方嘅人，都不切實際咁幻想有一日可以時光倒流，林伯望出窗外，自嘲咁講

「但係，就算地方一樣，一切都唔同喇。」

隨住年月流逝，就算係老地方，都會變得唔同

呢個地方已經唔係1950年嘅美都餐室，亦唔再係林伯同阿娟黎食野嘅美都餐室

即使每一次翻新都盡量保留翻舊時代嘅味道，時光巨輪都無可能逆轉