[有沙入眼]是咁的，我嘅職業係幫想自殺嘅人寫遺書: 400.一萬年

其實同男女關係，都一樣

分手嘅愛侶，都曾經係令我地最開心，最幸福嘅人

咁點解最後，留喺我地心入面嘅，會得翻痛苦？

所有感情都有保質期，就算係我想照顧金弦嘅心意，都有一日扭曲成殺意

一諗到呢度，就悲從中來，因為當愛變左質，就翻唔倒轉頭





愛有好多種，男女之間、朋友之間、家人之間都有愛，只係我地比左啲唔同嘅名去分別佢地姐

友情同親情，保鮮期長啲

愛情，保鮮期短啲

現今嘅社會，愛嘅保質期好似愈黎愈短

但唔可以否認，當愛未過期嘅時候，我地都曾經覺得好幸福





呢一刻我好似明白左一句電影對白：

「如果要為依份愛加上一個期限，我希望係，一萬年。」