[有沙入眼]是咁的，我嘅職業係幫想自殺嘅人寫遺書: 400.純粹

「唔該！要西多士同紅豆冰。」miki叫左我以前會叫嘅野食同野飲

「我唔理呀，你請我食呀。」

「miki。」

「做咩？」

「點解偏偏係西多同紅豆冰？」

「爸爸有帶過我黎食。」

遠喺miki老豆比獸慾呑噬人性之前，都曾經有好純粹嘅父愛

佢老豆並唔係由一開始就係獸父，所以喺miki九歲之前，應該都有過僅餘嘅美好回憶

變壞嘅牛奶唔飲得，唔代表盒牛奶一開始就係壞

「爸爸有令過我開心，呢樣野我唔會否認。」