[有沙入眼]是咁的，我嘅職業係幫想自殺嘅人寫遺書: 387.衰心軟

5月完結之後，我就去左北京

我讀嘅課程一定要學生去清華大學交流一個月先可以畢業，所以就算我幾撚唔中意大陸都無得我say no

硬係覺得自己去完一個月翻香港會短十年命

空氣又差，又唔知自己食乜落肚，除時生腫瘤生到醫生檢查我都話嘆為觀止

不過唔理我幾唔情願都好，校方規定要去就無計啦





至於嗰一個月做過咩，就唔詳細描述喇，故事就由我翻黎嘅7月13號開始繼續講落去

嗰日我喺機場拎完行李，就同大學朋友講拜拜，自己行出巴士站

打開wtsapp，竟然奇蹟咁無客人搵過我

一直置頂嘅，係miki，右方顯示有千幾個訊息

自從阿文件事之後我就好耐都無乜點理佢





而佢就好似隻比人遺棄嘅狗仔咁，跑上去想追翻主人嘅背影，但最後都係比人丟低

思緒黎到呢度，我發現自己竟然同嗰啲無良心嘅主人一樣，突然就覺得咁對miki太殘忍

唉，衰心軟