[有沙入眼]是咁的，我嘅職業係幫想自殺嘅人寫遺書: 386.等收紅色炸彈

嗰晚嘅自助餐食到9點半，我地就離開

臨走，我講左句：「呀，係喇，恭喜哂。」

阿志笑一笑：「多謝。」

「吓吓吓？做乜呀？恭咩喜？你地有秘密唔講我知？」

我指一指阿文隻左手：「秘咩密，食左成晚，咁都睇唔倒。」

纖幼嘅無名指上面，係一隻好似早晨露水咁晶瑩剔透，閃閃下嘅鑽石戒指

婚禮，將會係半年後舉行

阿志同阿文，笑住咁叫我同miki等收紅色炸彈

「嗯，等你地喇。」