[有沙入眼]是咁的，我嘅職業係幫想自殺嘅人寫遺書: 307.無資格自殺

外面陰天，客廳又無開燈，仲要埋閂窗簾，所以成間屋都好暗

「坐丫。」

我地喺飯枱坐低

「遺書最緊要嘅，係你自己嘅字跡，所以你要抄一次。」

我將信封放上枱，阿dick想拎，我拉翻個信封翻黎





外面開始行雷

隆隆隆

「一手交錢，一手交貨。一萬。」

「咁貴？」

「比起你溝一條新女，平好多啦。」





阿dick行入房，拎左一萬蚊現金比我

「多謝。」我交左個信封比佢

拆開

「點解會咁？」信封入面，係一張白紙

「因為你而家無資格自殺。」