[有沙入眼]是咁的，我嘅職業係幫想自殺嘅人寫遺書: 218.靈位

「阿金你唔舒服？」講真清明節已經心情唔多好

仲要同個悲劇集合體困喺車入面，想舒服都幾難

「都話m到，你咪理我。」我帶miki喺附近買左花，就叫佢帶路，去佢媽咪個靈位

好快行到去，有一個靈位特別醒目，一望就見倒

因為啲金字甩得七七八八，成個靈位舖哂塵





一睇就知，係好耐，好耐無人拜過嘅靈位

「要點搞架？」

我拎左袋入面嘅滴露濕紙巾出黎

「嗰個你媽咪，你自己抹啦。」

其實，我知道miki係唔想抹

「咪扁嘴。」

「咁污糟⋯⋯」

「就係因為你咁多年黎都無打理過，先至咁污糟。」

「睇唔倒咪當唔污糟囉，係你死要叫我帶你黎之嘛！」miki竟然發細路女脾氣

抹下自己媽咪個靈位洗死咩！





「過去抹。」我直接落命令

聽倒命令嘅miki，嘟起嘴：「你蝦人嘅⋯⋯」

然後就走左埋去靈位度

「嘩！呀！！！！！！」