[有沙入眼]是咁的，我嘅職業係幫想自殺嘅人寫遺書: 151.我盡哂力

「豪仔自殺，係想將個心捐比阿浩。」

阿嵐大啖大啖吸氣：「我個心理準備真係廢⋯⋯」

佢完全無諗過豪仔嘅動機，係救自己老公

拳頭打左喺枱上面：「點解⋯⋯點解你成世人都係咁樣⋯⋯」

點解次次都幫完我唔出聲？





阿嵐不停拎紙巾抹眼淚

「遺憾嘅係，個心比一個富豪搶左。佢用錢買通左好多人，將本來指名捐比你老公個心，轉成捐比自己。」

阿嵐聽完，一時都唔知點反應好

「個阿伯真係好衰架！你唔好怪豪仔啦⋯⋯」miki幫口

「雖然個富豪最後死左，但係豪仔個心，已經捐唔倒比你老公。」





阿嵐自言自語：「無所謂⋯⋯無所謂喇⋯⋯」

「豪仔佢話每年你生日送個心比你，今年無送，因為佢諗住送自己個心比你地。」

所以，既然去到最後，計劃失敗左，作為補償，我就代豪仔送翻個紙心比阿嵐

我將豪仔摺嘅心拎左出黎

我知道，咁做係毫無意義





「始終風險都好大，未必真係成功。所以⋯⋯失敗的話，就請你幫我補翻個紙心心比阿嵐⋯⋯」

同埋話比佢知，我盡哂力

靠你喇