[有沙入眼]是咁的，我嘅職業係幫想自殺嘅人寫遺書: 150.心理準備

上到阿嵐屋企，瀰漫住一股新婚夫婦小窩嘅感覺，不過阿浩又入左醫院，所以得阿嵐招呼我地

佢拎左兩杯茶比我同miki，然後坐低

阿嵐眼入面，有淚光

「我有心理準備架喇⋯⋯」

原來佢，一早已經感覺倒





「本來我地係唔會黎搵你講，因豪仔嘅本意係唔希望你知。」

「佢細個已經係咁，次次幫完我都唔聲唔聲。咁你地搵我⋯⋯係豪仔有咩意外？」

「豪仔已經自殺死左。」

沉默左一陣

死訊慢慢沉入阿嵐嘅靈魂之中





佢緊閉嘴唇，點點頭，一直徘徊喺眼眶嘅淚水，一粒粒咁滑過面頰

阿嵐嘅淚水，喺佢下巴聚集，最後跌落枱上