[有沙入眼]是咁的，我嘅職業係幫想自殺嘅人寫遺書: 118.在五含皺磁度喇

我望住miki，幾乎笑出黎，因為佢成隻倉鼠咁將啲午餐肉塞到成口脹哂

「琪琪⋯⋯你做乜？」

「在五含皺磁度喇。」

「呑哂先講野啦你。」都唔知好嬲定好笑

佢呑完再講：「再唔行就遲到喇。」

miki推我去門口，今次到佢比阿文捉住

「琪琪，你都係反對自殺嘅人，唔通你覺得阿金做得啱咩？」

miki諗左諗，笑左一聲：「呵呵，唔知喎。」

然後補左句：「所以我都係睇左阿金點做先再算啦。」

阿文聽完，有啲錯愕，放左手