[有沙入眼]是咁的，我嘅職業係幫想自殺嘅人寫遺書: 117.我劈！

「你咁做只會又多個人死。」阿文捉得我好實

「嘩！真係煎得好脆！」miki自己坐低左用叉食午餐肉

「就算我無幫佢地寫遺書，佢地都係會死。」

「真係好好味。」miki又塞舊午餐肉入口

「我講過幾多次，你咁係鼓勵緊佢地自殺呀！」

阿文以前唔會咁同我嘈，但係佢完全無辦法接受我咁做

「我從來無叫過佢地去死。」

「唔准去！」

「我劈！」miki一下手刀劈開左阿文捉住我嘅手