[有沙入眼]是咁的，我嘅職業係幫想自殺嘅人寫遺書: 69.幾多錢都制

「冬姐喺一個星期之前確診有胃癌，已經末期。係過度操勞，食無定時引起。」

「就算生⋯⋯cancer都唔洗死架！可以醫加嘛！」

「但係冬姐無錢。」

阿心喃喃自語：「封信入面話比人呃哂錢⋯⋯」

「係祈福黨。冬姐話，條神棍三兩句就講中左佢有絕症。」





「白痴都知唔應該信啦！」

「冬姐係無信。但係條神棍講多左一句，就成功呃左冬姐。」

唔作個法的話，你嘅仔女好快會同你患上同一種病

「冬姐怕，所以佢先拎啲錢去作法。」

冬姐句說話，我仲記得好清楚





咁幫個女喎，梗係幾多錢都制啦！