[有沙入眼]是咁的，我嘅職業係幫想自殺嘅人寫遺書: 68.點解要死

我左邊面當堂現出五隻手指印

「我唔會阻止我客人自殺。」

「點可以咁！嗰個係我呀媽黎架！係一條人命！你話你會見證加嘛！你就咁眼白白望住佢死！？點解唔拉住佢！」

阿心好似個搵唔倒路翻屋企嘅小朋友咁喊

佢完全忘記左，自己都係個準備自殺嘅人

四圍嘅茶客都好奇咁望過黎

「我只係一個寫遺書嘅人。」

阿心雖然喺極度憤怒之中，但係內心深處已經漸漸接受左現實

「呀媽⋯⋯⋯⋯點解要死？」