【猴年血腥】《拜完年，我畀狗咬死左》: 4. 十世修為的第九世 (6)

獨留在昏暗的房間，我想起了一個人，一個——
 
可愛的妳，孫宣。
 
 
認識妳那天，是因為有朋友拉我去看中樂團的演出。
 
老實說，我和朋友對中式古典交響樂沒有認識，他也是為了溝女，溝一個喜歡去演奏廳的女仔。
 
不知道是不幸還是幸運。




 
妳們買了最前排的雙人座位，我們只買到第二排的座位，注定只能坐妳們的後方，注視妳們。
 
「你要溝女咪自己去囉。」我不悅，時間非常趕急，必須連跑帶飛奔地前往。
 
「鬼唔知咩，但對方話會帶多個FD啊，所以先搵埋你咋！」他跑著步說。
 
「係兄弟既，適當既時候，幫我拉走另一個女仔，製造……獨處機會……比我地。」他再說，漸漸開始喘氣。
 
「唉，煩。」我搖頭，衝過紅燈馬路。




 
「唉咩丫，佢個FD女黎架，你睇啱咪……溝埋囉。」他說，差點被車撞到。
 
還記得，進入演奏廳的時候，妳已經有了座位，也有了旁邊的人。
 
妳稍稍蓬鬆的長髮，順耳而下，被格紋頸巾紮埋。
 
即使頭髮被頸巾紮住，束扁在頸側，但妳後頭的髮絲還是拱拱的，像把握到鬆脫機會就會跑出來。
 
暖色的毛衣，橘紅色的嘴唇，十分甜美的臉頰。




 
「真係好靚。」我在入口說。
 
「靚？點止啊，簡直索添啦。嗱，今晚我一定要，拉近到我同佢既距離。」他正在回氣，「陣間演奏一完，我就要，同佢一齊行！至於另一個，你幫我搞掂。」
 
「其實，你講緊既係？」我好奇問。
 
「呢，咪坐嗰度，戴格仔頸巾——」他伸手遙指一處，「見唔見到？」
 
「見……到。」我回應，神智恍惚了。
 
「見到啦嘛，坐佢隔離嗰個就係喇！」他終於指明。
 
「哦~你講嗰個……，哧——」我笑了，心情恢復過來。
 




差一點，我們就不再是朋友。
 
「笑咩？」他問。
 
「冇啊，過去坐啦，就開始喇！」我催促，心底裡又笑了一下。
 
 
這是一段，我看見了妳，而妳還沒看見我的時間。
 
 
現在回想，已經是兩年前的事了。