【猴年血腥】《拜完年，我畀狗咬死左》: 3. 人誰無過 (4)

聽完，我像是沒有聽見。
 
慢慢才瞪大了眼。
 
淚水悄悄進駐，盈盈眼眶。
 
「咩……話？」我哽咽。
 
「幾個月之前，佢已經自殺死左。」恭子逞說。
 




淚糊了，眨眨眼，閘走模糊。
 
「點解？」我淚問，再次拿起畫像細看，再望白無常，「點解……佢要咁傻？」
 
「有消息指，佢飽受情緒困擾多年，人格早就出現問題，會自殺都唔出奇。」他說，「但確實原因，冇人知道。」
 
「你地……冇問佢咩？」我質問白無常，「佢應該都要接受審判格。」
 
恭子逞沒有回答，只是慢慢地——
 




「咁依加佢點？投左胎、落左地獄定？」我再追問。
 
用兩根手指，如筷子般，夾住畫像的頂部。
 
「哩幅係佢既『通緝畫像』。」他夾起說。
 
「通緝？」我不明白。
 
「正常黎講，人死左之後，鬼魂會停留係肉身、或者係肉身附近，以沉睡既姿態，等鬼差黎迎接。」
 




「但自從我地懶左，裝左一個『召魂鐘』之後，就好少再親自去勾魂。」
 
「依加，每一分鐘，召魂鐘就會係現世響一下。聽到既鬼魂就會受到催眠，自動咁起身，自行前往陰間。」
 
「例如你頭先咁，都係自己行過黎。」恭子逞解釋。
 
「咁……方大琪呢？」我著緊打探，「佢冇黎？」
 
「冇。」恭子逞搖頭，接著看到我的臉色，便欲言又止。
 
「算啦周喜慶，你地只係彼此人生中既過客，事到如今，知咁多黎都冇用。」
 
「睇開啲啦。」他再安慰。
 
「頭先，我唔知你係講真定講笑。」我一臉認真，「你話我係得罪左個女人，佢變左狗妖黎搵我尋仇，所以我先死。」




 
「琪琪……方大琪佢係咪變左妖怪？變左狗妖？」我問。
 
「前面當然係講笑，但佢……」恭子逞吞吐，不願直視。
 
「白無常先生，請你話比我知！」我淚已兩滴，態度非常誠懇。
 
「哩個只係官方既猜測，暫時冇證據顯示佢遁入妖道。」恭子逞說。
 
「只係我地既鬼差，多次前往屍體附近搜索，都搵佢唔到。」
 
「現階段，雖然話係通緝，但我地暫時都仲當佢係〈失蹤鬼魂案〉咁去處理，你唔洗擔心。」
 
說完，他重新把畫像收起。
 




「妳化妝化到咁靚，為乜？著到咁靚，又為乜？點解又會瘦左？」我苦思不解。
 
「仲有，點解要殺我？」
 
突然——
 
「周喜慶，我已經將知道既都講左比你知。」恭子逞說。
 
再次以手肘壓桌面，十指互相輕扣。
 
「你可以聽審判結果未？」他瞇眼奸笑問。