【猴年血腥】《拜完年，我畀狗咬死左》: 1. 死後的世界 (2)

「你今年先26歲既話，咦，唔通係同名同姓，所以我睇錯？」恭子逞皺起眉頭。
 
他不停翻查手上的《命書》，可是別無所獲。
 
「唔係喎，叫周喜慶既人得你一個咋喎。」他確切地說，把命書遞給我看。
 
——周喜慶，死亡時間：庚子年，三月初一，子時。
 
（新曆2020年，3月24日，晚上11時58分。）
 




「咁點解我會死左既？」我緊張地問，「明明應該四年後先死！」
 
白無常鬼差，用手指揉揉鼻頭，似乎也在苦思。
 
「今年係猴年，係2016年咋！」我激動地拍桌站起，把椅子退後了。
 
「你哩本野，堅唔堅架？」我再質問，上面的毛筆字很醜。
 
無意之間，他額頭冒了點汗。
 




「唔通……我抄錯咗？」他手抖抖地喝一口茶，左手把命書拿回，自己再看一遍。
 
「如果我冇抄錯既話，咪住，我好肯定自己冇抄錯！」恭子逞說，手忽然不抖震。
 
「咁即係話，你可能係……死於非命。」他凝重地說。
 
「答我先，咩叫抄？」我慢慢坐下，盡量平聲平氣。
 
「實不相暪，哩本《命書》係我之前犯下過錯，閻羅王罰我抄佢本《生死冊》而得黎。」他說。
 




「係《生死冊》既手抄本。」
 
 
「《生死冊》會唔會錯？」我問，「同埋，生死大事啊，你洗唔洗搵其他鬼差問問？」
 
「年初一邊有人返工啊！操你母親！」他無奈地答，眼睛冒起紅光，「初八之前得我一個咋。」
 
接著，他正經八斗起來，眼睛也沉澱啡黑。
 
「關於生死冊，生死冊係唔會錯既，因為佢會根據情況而自動更新。」
 
「但更新係一件好罕見既事，除非有好強既法力或者妖力去干預……」
 
「否則一般黎講，生死冊既記錄係唔會變，所有人都會根據生死冊既日子而出生同死亡。」他解釋著。
 




我舉手，想發問。
 
他點頭許可。
 
「我哩種情況，頭先你話係死於非命？係咪即係，有外力干預，令我早死左？」我問。
 
「可能係，詳情等我去偷睇下本《生死冊》先再講。」恭子逞站了起來，回收命書，轉身想要離去。
 
「偷睇？得唔得架？如果比閻羅王發現……」我擔心問。
 
右手伸前，一些黑色物質在他手裡集結，瞬間形成門閂。
 
往右拉走門閂，丟到一旁，大門成形並左右打開，「啵——」
 
「佢都冇返。」說罷，他從門口走了出去。




 
大門很快就關閉，門閂也自動歸位，把門鎖上。
 
並幻化消失。