我老細上我屋企食飯: 續·二

本人連兩老，3個人住一個4百幾呎的公屋都算唔差。由上來到食飯我真係當左佢係我朋友咁傾介紹兩老，講下自己平時除左番工以外既活動，而老細都會講反佢自己既事，公事都冇係咀邊講出來。傾左陣，媽就叫我地一齊埋來食飯啦。 桌上面既都係最普通的家常便飯，魚、菜、肉每樣一碟，再加一大煲既湯。當我地飲湯先後食飯果陣，我見老細一邊飲就一邊黑面，我見到佢咁，我竟然好大聲咁講：係咪平時飲開好野呢？呢D先叫真材實料呀！你識條毛咩～哈哈哈。 成餐飯一邊食，我就真係當左佢係我朋友咁，大聲講大聲笑，屋企人亦都好歡喜同我老細傾計。食埋生果，差唔多走，我以為今晚平安無事啦～聽日反到去老細仲唔升我？心入面係到自high果陣，我先發現原來老細黑面多過笑，呢次仆街啦。我就問老細咩事？原來佢急屎，我就話點解唔去廁所呢？佢冇答我，之後就叫埋我送佢走。