我老細上我屋企食飯: 績·一

變左做一個老屎忽之後，老闆從來都對我冇咩怨言，信我多過信經理級既人，畢竟係公司已經變左做最耐既人。

有一次老闆叫我入佢房，入到去坐左係到佢就講：我見你係公司咁耐，人地搞擺工，搞辭職，你一一都冇參與，果然係一個盡心盡責的員工。聽完之後果刻我內心滿滿自喜。心諗：呢次仲輪唔到我上位。

但佢之後竟然講：所以我就想更加了解你地做員工的辛酸，等公司唔洗咁多人流失，我決定，上你屋企食一餐便飯，到時你當我係你朋友就得啦。就聽日星期三OK？我一邊聽完就一邊流冷汗。我立刻緊係講：得！老闆你放心。

出左房之後，個心立刻講左一句：屌 點解係我！我竟然係被選中的細路，雖然自己30都未到，係公司都做左5年由一個OFFICE BOY做到叫一個高級員工，點解臨門一
腳就比考驗我？結果我唯有死死地氣到星期三的夜晚。 果陣我冇同屋企人講我帶左自己老細上來食飯，因為我從來都冇聽過老細會上我地員工的屋企食飯，就算我講，我屋企人都當我痴左線，所以先講係我一位之前讀中學既呀SIR，因為中學畢業咁耐，我爸媽自然都忘記左係咩樣。 我係屋企樓下接我老細，等左一陣，見到遠處有房車駛過來，我對車就唔係好熟所以唔知係咩車，老細就打開車門就好開心同我講：我都係第一次去呢D屋村地方，估唔到地方環境比我想像好呀～我聽完以為今晚一定可以平安渡過啦。但原來先係惡夢既開始。