《十年又過去，我對你仍耿耿於懷》: 18

「你點解會出嚟？」我問她。 
「係Kiki約我㗎！唔得咩？」她笑得非常曖昧。 
「佢幾時約你㗎？」我緊張地問她。 
「前日囉！做咩呀？」 
「無嘢喇！」 

我的心情即時沉下去。 

前日約Mary，昨天約我，明顯就是處心積慮想找我放在同一個環境⋯⋯ 
枉我還在想著如何追求她，可是她沒領情⋯⋯ 





或者說，我還沒有開始追她就已經被收皮了。 


滴答⋯⋯ 滴答⋯⋯ 
滴答⋯⋯ 滴答⋯⋯ 
滴答⋯⋯ 滴答⋯⋯ 
滴答⋯⋯ 滴答⋯⋯ 
滴答⋯⋯ 滴答⋯⋯ 










「男人老狗無啦啦啦喊咩呀？」 

為何未曾讓我得夠便要損失你 
捱到那一天參透佛理 
手會鬆燈會滅有限期 

為何未能讓我死去便要認識你 
難道你很想天使問我 
我的舞步跳得可美 
－《黑暗中漫舞》 

「喂⋯⋯你喊咩啫你？」Mary又拍多我一下。 

「Mary，你可唔可以話我知，我係咪好戇鳩？」 

「無啦啦做乜咁問⋯⋯」 

「你哋唔係一直都傳緊我同安琪嘅，點解要咁做？」 

「吓？其實我哋所有女仔都知你哋兩個有SMS有盛，我哋邊有秘密㗎？就係因為知道有呢件事，我哋問過kiki想唔想我哋傳。佢只係笑笑口咁講『唔知』。第一次，佢唔拒絕我哋咁玩⋯⋯」 





「即係咩呀？」 

「即係你對佢嚟講你好特別呀！」 

「咁今日⋯⋯」 

「你最戇⋯⋯戇居嘅係，你去到呢個位都只係識得喊。」Mary說。「佢幾日前已經想約你，但係佢唔夠膽⋯⋯佢想同你表白。蔡梓豪，我呢就襯佢洗好件衫之前就會走，你自己諗下點樣做啦⋯⋯」 

「⋯⋯」 

「講真，我哋成班女仔都好唔想你哋一齊。不過，佢話揀你，我哋無嘢好講。唔該你好好對佢，OK？」 

「OK！無問題！」我聽完即時抹走眼淚。 

「咁我走㗎喇！」 





「喂，Mary！」 

「嗯？」 

「多謝！」 

她頭也不回就奪門而出，仿佛，她就不過是一陣把我們牽在一起的⋯⋯um⋯⋯颱風⋯⋯ 
然後留下我，還有剛回來的安琪。 

她紅著臉問我：「跟住點好呀我哋？」