《十年又過去，我對你仍耿耿於懷》: 17

！？ 
什麼！？不是只有我倆嗎？ 
我看著這巨大的Mary姐的祿山之爪圈著安琪的玉臂時，我一直無法調整我的心情。 
「嘩！不如我哋去食沙翁喇！」 
「其實Krispy Kreme嗰啲叫冬甩⋯⋯」我細聲說。 
「是但啦！男人老狗唔好咁煩好唔好呀？」 
「蔡梓豪做咩呀？一句嘢都唔講。」 
「無嘢，行喇！」 

冷靜，笑⋯⋯ 




冷靜，笑⋯⋯ 
冷靜，笑⋯⋯ 
冷靜，笑⋯⋯ 

我手中的紙巾快要被我捏爛。 

在Krispy Kreme裡面，安琪細口細口地咬著冬甩，同時Mary已經在吃第三個New York Cheese。現在回味那味道，要遠去泰國；但當時的我，卻一點都食不知味。 

一直一直，我都聽到Mary的大笑聲。 





「你知唔知我聽講肥王入188之後好耐都無出嚟，之後成班學生係門口見到佢拎住個黑膠袋出嚟呀。」Mary笑得拍案。 
「即係咩呀？」安琪問。 
「佢係入面買完咸碟出嚟囉⋯⋯哈哈⋯⋯你地諗下，一個老師係小息時去188買咸片，仲要俾學生發現咗都面不改容喎！」 
「咁又真係幾好笑嘅⋯⋯」安琪乾笑幾聲。 
「喂，蔡梓豪，你都講幾句啦！」 
「⋯⋯」 
「喂！瞓咗呀？」 
「吓？唔係呀，有咩講呀？」我一下子回過神，完全無法回應他們的對話。 

這時，安琪不小心把汽水滴在白裙子上。 




「Oh⋯⋯我去一去廁所先！」她連忙說。 
「我⋯⋯我陪你！」我說。 
「唔洗啦，你陪下Mary啦！」她把我按回在椅子上。 

一時間，我差點衝口而出：「呢條肥閪洗撚我陪咩？」幸好最後我忍住。 
到最後，只有Mary曉有意味地看著我，我滿不在乎瞄了她一眼。 

一場沈默電影，在我們間上演。 
沒有尷尬，沒有浪漫，沒有凝重； 
時間只是單純地停留，仿佛大家都等安琪回來。 

到最後，終有一人先開口。 










「你點解會出嚟？」