《十年又過去，我對你仍耿耿於懷》: 11

打，不打⋯⋯ 
打，不打⋯⋯ 
打，不打⋯⋯ 

我面前只有簡簡單單的八個數字，還有一部手機。 

只不過是要把手機拿起，鍵入九個按鈕，然後等一陣子，所有問題就會找到答案。 

說來容易，可是就是這麼困難。 
因為，我無法估計得到的答案會有多殘酷。 





我該怎麼問，又該問什麼問題呢？ 
該死的，我好像第一次這麼苦惱。 

「咦，嗰次點解會遲到嘅？」這好像有點不夠貼題⋯⋯ 
「你係咪蕩失路所以都遲到呀？」這又有點白痴？ 
「呀！不如我地唔好嬲咯，好唔好呀？」這好像不錯，但又好像有點不對。 

⋯⋯ 
⋯⋯ 




⋯⋯ 


「對唔住，我上次係咪令你好尷尬呀？」我問。 
「吓？」 
「我好似唔應該亂咁大叫㗎！」我抓抓頭。 
「你係邊個呀？」 
「呀屌，係喎，你無我電話㗎喎！我係蔡梓豪呀！」 
「蔡梓豪？噗⋯⋯哈⋯⋯哈⋯⋯」 
「笑咩呀屌！」 




「喂！唔準講粗口呀！」 
「咩呀？咁咪唔講囉！」 
「咁你打嚟做咩呀？」 
「咪道歉囉⋯⋯」 
「道歉？就爭係道歉囉！」我又開始捏紙巾。 

「唉，蔡梓豪，你打俾我做咩呀？你無理由會為左道個歉就打俾我㗎啵。」 
「其實我會㗎⋯⋯」 

對呀，要是那個人我重視，我不介意這麼低聲下氣。唉，我又說什麼呀？ 

「嗯，咁你道咗歉喇，我接受咗喇！瞓喇我！」 
「喂⋯⋯喂！唔好咁快好無呀？」 
「咁你仲有咩想講呀？」 
「Um⋯⋯Er⋯⋯我想問其實你點解嗰日會都遲到嘅？明明你早過我一個站落車㗎！」 




「我去咗喊吖嘛！」 
「咩話？喊咩呀？」 
「講笑咋！」她頓了頓。「我去咗報警呀！我哋係CCTV搵到嗰個男人，原來佢係慣犯嚟㗎⋯⋯」 

我聽她說著說著，原來每一個人其實都可以很多話說。問題只在於，你能不能按下她們的開門鍵讓話題衝口而出。 

她足足說了十五分鐘她認人的過程，其實內容我已經忘記了九成，只知道她說得很過癮。 

還有，我說了一句很掃興的話：「咁你又話唔會報警？」 










還有她那世界級的羞澀聲音：「咁我係你面前唔衰得嘛⋯⋯」