短篇散文集: 《其實自己一個更開心》

今時今日，只要你係自己一個，無論係行街、睇戲、食飯都會俾人話你好毒，冇朋友。

挑，其實自己一個，又有咩好怕喎。講真，其實有時，只係想睇啲嘢或者買啲嘢，就要約個fd出嚟，又要就時間，又要等，拖得嚟分分鐘一早攪掂返屋企。再者，當你同多一個人出街，你嘅自由度又會大減，行邊，行幾耐，食唔食嘢，食啲咩，乜都因為有個fd係到又要夾呢樣個樣。

譚仔？好遠啫。女僕？好貴喎。m記？咁多人。當你一同fd出街，就要顧埋佢個份，想食啲咩？你想下好，傾完一大輪又要冇結論，拗得嚟，第二朝早餐都夠鐘食啦。唔係話同fd出街唔好，但如果有一日你只係想做一啲小事，自己一個啦啦臨攪掂咪算囉。

行街呢下嘢先煩，你想係到睇耐啲，佢隔離就問走得未。

其實有時，自己一個都真係唔錯。





今年書展，其實正常人行個圈，冇嘢買，兩，三粒鐘乜都走啦。不過我比較無聊，鍾意留係現場同啲作者r水吹。你諗下，如果有班fd係身邊，鬼陪你癲咩。

當你每日都要帶住面具應酬人嘅時候，自然會愈想有啲時間獨處。一個人靜靜食飯，唔洗顧慮其他人食咩；一個人靜靜哋行街，可以聽住歌，置身係自己嘅世界，唔洗不停去講嘢諗話題。一個人睇戲，揀位又易啲。

偏偏呢個世界有樣好黑人憎嘅嘢叫廣告。點解咁黑人憎？啲廣告每逢大時大節梗會帶出要有人陪先可以感受到節日嘅氣氛咁。

你情人節開宗明義for情人嘅都算啦，聖誕節明明係耶穌出世你都包裝到同情人節咁上下托咩？

呢堆傳統節日得以留低，係因為佢哋仍然有商業價值我明，但都唔好乜節都拉到關情人事好冇？





我硬係覺得他日連清明重陽都唔再係先人行先。

或者他日會有個廣告係咁嘅：

有間專賣元寶蠟燭香嘅鋪頭，入面個呀伯拎住對蠟燭講：「拜祭仙人，梗係講求一雙一對，香燭一對梗係唔少得架啦，再買埋啲紙屋紙公仔，帶埋另一半去拜祭，先人肯定倍感安慰。」

帶埋另一半去拜祭？咩呀，而家佢係祭品嘅一部分呀？

你話我冇朋友先咁講？





我有次同幾個fd去海馬公園，但啲機動游戲佢哋唔係淆就攰，最後得我單機，咁有咩分別呀？然後我試過自己入迪士尼，自己玩，其實都只係同一感覺，仲可以唔洗單完機玩捉迷藏咁搵返佢哋。睇煙花又可以有空間俾我幻想，幾好呀。

但當呢番偉論係我今日同一個朋友講完之後……

佢話：「講咁多咪又係因為冇人陪你，咪係到自瀆啦，問心，自己一個，你開心咩？」

我屌丫，你都識講我自瀆緊你仲篤爆我，呢啲嘢輕則不舉，重則鳩縮架麻，咁篤爆我叫我情何以堪呢。

佢仲要奸笑咁補多句：「就嚟聖誕啦，你仲可唔可以～其實毒撚一個更開心，洗撚你講～呀。」

我苦笑咗一下：「咁唱lonely christmas囉……」

屌，又到聖誕啦……