短篇散文集: 《我怕痛，所以先離開》

怕痛係人類嘅天性，所有有機會令到自己受傷，感到痛楚嘅事都會避之則吉，偏偏……感情例外……

睇醫生打針，煮餸俾油彈到之類嘅小事，你未試過都識得避啦，偏偏面對愛情，你就算跌過痛過幾多次，你都仍然會走入呢個困局。

鳴……Mary唔要我呀，我失戀呀，去唱k呀。但你唔係唱去唱藍天架喎，你梗係唱啊wymand啊，林夕啊個啲架喎。喂你失戀唱情歌，即係漏煤氣“山”窗。（屌你，唔識打正字呀，將就下啦。）
「quote：黃子華棟篤笑之越大獲越快樂」

明明一樣傷得你最深，痛得最甘嘅事，你唔會去避，仲不停係個局入面，死都唔走埋出嚟。啊，分手呀，嗚嗚……我要去返以前同佢去過嘅地方，睇返佢同佢甜蜜嘅短訊，呢啲一定係有嚴重嘅自虐傾向架啦。利申：我係……

但其實唔止我係，絕大部分人都係。點解可以咁嚟虐待自己架？咁以前嘅甜蜜係好難忘丫麻，咪用呢啲回憶嚟麻醉自己囉。好荒謬咧，啫係你搵個插傷你嘅人去幫你處理傷口，好難想像，可惜我都係。





以前，我好鍾意不停沉淪係呢個痛苦嘅漩渦入面，不停係痛苦中尋找快感，真係好變態。但慢慢，痛到怕，然後自己慢慢爬返出嚟。

但人係犯賤嘅生物，而我直程係犯賤嘅代名詞添啦。我又踩多次，所以，大家記住一點，好重要，歷史係冇任何教育意義，無論你錯幾多次，你都會繼續錯落去。

不過今次我醒啦，係傷口未腐爛之前，走先。

唔知幾多人睇過和尚同個青年嘅對話，輕輕講下啦：

總之就係有個青年問個和尚，點先可以放底？個和尚就準備咗煲熱水，跟住示意個青年拎住隻杯，然後不停倒熱水落隻杯到，之後啲熱水溢出，燙到青年隻手，所以即刻鬆咗手。個和尚就話：「痛，就會放下。」





其實過去嘅甜蜜固之然好美好，但人走咗，呢啲事都只可以留作回憶，天長地久唔係冇，差在輪唔輪到你遇到，醒下啦，人生短短數十年，為嘅係快樂而唔係悲傷，唔開心嘅，掉咗佢啦。