短篇散文集: 《燈飾宣告，聖誕來到》

一到十二月，對毒撚嚟講最大虐待嘅莫過於聖誕同除夕倒數。

無論係街道旁抑或商場都已經掛起大大小小嘅聖誕燈飾……

今日一起身打開手機，幾個wtapp group都係到討論緊送咩禮物俾另一半，或者去邊到旅行。

對我呢啲冇女冇朋友，連屋企人都由我自生自滅嘅死毒撚嚟講，簡直係間接謀殺。

呢個時候阿強都走嚟問我：「喂，我送咩俾Mary好呀？」





「你兩個姦夫淫婦，送嚟送去咪又係加細碼杜雷斯，咪係到哂命啦！」

「咁你話我哋去邊到旅行好丫嗱？」

屌，就算俾你去愛琴海你哋咪又係係房到大戰幾百回合不見天日，去邊有乜所謂，有張床俾你哋咪夠囉。

「去長洲租間房咪算囉，攪完再一齊燒嘢食（唔買嘢食）。」

可能我啲建議太實在，阿強俾我激到收咗皮。





不過聖誕咋麻，難得到我咩？過去嗰幾年嘅平安夜，我都專登自己一個出去感受下呢個咁普天同慶嘅節日氣氛。

大家想像下，呢一日係條街到，無論有冇拖拍嘅都總會搵人一齊過，而偏偏你自己一個係條街到，瞬間成為眾人焦點，呢刻嘅你連明星都唔及你吸引呀！（嘩，咁柒嘅條友，聖誕都要自己出街！）

怕樣衰？唔緊要，邊行邊唱：「其實毒撚一個更開心，洗撚你講……」邊個及你有霸氣呀。

屌，其實鳩噏咁多都只不過係到打文自瀆。你估真係唱兩句其實毒撚一個更開心就真係開心啦咩。

邊個唔想有人陪，邊個唔想有個人拖住過聖誕。正當你以為聖誕難捱？你錯啦，今年比聖誕更討厭嘅叫除夕。





跨越1314年呢個咁嘅意義都唔知邊個諗出嚟，又真係夠浪漫呢下先仆街。

不過，挑，呢啲啅頭嘢，影響唔到我嘅（好似）！

唔通真係一齊倒數一齊跨過1314就一世唔分開咩，唔通冇一齊過呢日嘅又真係會分開啦喎，唔會架麻。

對唔住，人類係感性嘅動物，呢日就係咁重要，吹咩？

面對住呢啲日子，再樂觀嘅毒撚睇怕都好難講得出一句：「who fucking care！」

然後每逢呢啲節日，就會有一班人不甘寂寞，係唔係都要溝返件返嚟過節，攪到拍拖好似節日必須品，唔拍唔合群咁。跟住過完節，嗰啲可憐嘅水泡就變成杜雷斯一樣，俾人用完即棄……

跟住年年又會有班企係道德高地嘅人講：「寧缺毋濫，單身聖誕。」之類嘅說話……（前設係唔好網上徵友，好似係）

誰是誰非我唔理，反正我想講嘅只係，毒撚們，如果仍然有愛意收埋係心底入面，快啲向佢表白啦，收埋咁耐，真係忍心睇住女神/男神同人啪啪啪，自己對住個鍵盤噠噠噠咩……





阿穎………………